بۇگىن «نۇر وتان» پارتياسى ءتوراعاسىنىڭ ءبىرىنشى ورىنباسارى «ەگەمەن قازاقستان» گازەتىندە جارىق كورگەن ەلباسى ماقالاسىنان العان اسەرىمەن وي ءبولىستى. ەۋرازيا ۇلتتىق ۋنيۆەرسيتەتىنىڭ عالىمدارى، وقىتۋشىلارى جانە ستۋدەنتتەرىمەن بولعان كەزدەسۋدە بۇل تاقىرىپ اڭگىمە ارقاۋىنا اينالدى.
«نۇر وتان» پارتياسى ءتوراعاسىنىڭ ءبىرىنشى ورىنباسارىنىڭ ايتۋىنشا، قازاقستاندىقتار، جانە ەڭ الدىمەن زيالى قاۋىم وكىلدەرى ۇلت رۋحانياتى مەن ونىڭ قۇرامى دەگەن ماسەلەگە ايرىقشا نازار اۋدارىپ كەلدى. بۇل تاقىرىپ – قىزىقتى عىلىمي پىكىر الماسۋلاردىڭ، كەيدە ءتىپتى اقىندار، جازۋشىلار، فيلوسوفتار، مەملەكەت جانە قوعام قايراتكەرلەرىنىڭ اراسىنداعى تالاستاردىڭ قاينار كوزى بولدى.
«مەملەكەت باسشىسىنىڭ جاڭا ماقالاسى قازاقستاندىقتاردى ۇزاق ۋاقىتتان بەرى مازالاپ كەلە جاتقان، ءبىزدىڭ قوعامنىڭ «رۋحاني بەرىكتىگىنە» جانە ەڭ باستىسى، ۇلتتىق يدەيانىڭ ءمانىن قالىپتاستىرۋعا قاتىستى ءبىرسىپىرا ماسەلەلەرگە جاۋاپ بەرەدى»، - دەپ تولىقتىردى ءسوزىن «نۇر وتان» پارتياسى ءتوراعاسىنىڭ ءبىرىنشى ورىنباسارى.
مۇحتار قۇل-مۇحاممەد پرەزيدەنتتىڭ ماقالاسىندا كورىنىس تاپقان ماڭىزدى تەزيستەردىڭ بىرىنەن ءۇزىندى كەلتىردى: «مەملەكەت پەن ۇلت قۇرىشتان قۇيىلىپ، قاتىپ قالعان دۇنيە ەمەس، ۇنەمى دامىپ وتىراتىن ءتىرى اعزا ىسپەتتى».
«نۇر وتان» پارتياسى ءتوراعاسىنىڭ ءبىرىنشى ورىنباسارى مەملەكەت باسشىسى جاريا ەتكەن بىرەگەي باعدارلامالىق قۇجاتتىڭ بارشا قازاقستاندىقتاردىڭ جاپپاي قولداۋىنا يە بولاتىنىنا سەنىم ءبىلدىردى.
