زوي لاشتىڭ جاسى 6-دا. ول دۇنيەگە كەلگەندە دارىگەرلەر ونى ءبىر جىلدان ارتىق ءومىر سۇرمەيدى دەپ ويلادى. زويدىڭ اتا-اناسى قىزدارىنىڭ دەنساۋلىعىن تۇزەتۋ ءۇشىن كوپ قيىنشىلىقتى وتكەردى. بارلىعىنا تۋىلعاننان پايدا بولعان گەنەتيكالىق اقاۋ سەبەپ.

چەلسي جۇكتىلىكتىڭ بەسىنشى ايىندا ۋلترا دىبىستى تەكسەرۋدەن وتكەندە، دارىگەرلەر شارانانىڭ سان جىلىگى سىنعانىن ايتقان. ءسابي وستەوگەنەز اۋرۋىنا شالدىققانى انىقتالدى. دارىگەرلەر شارانا شالدىققان دەرتتىڭ ەكىنشى دەڭگەيى ەكەنىن ايتتى. مۇنداي جاعدايدا پەرەناتالدى كەزەڭدە ءسابيدىڭ شەتىنەۋ دەڭەيى وتە جوعارى.

ايەلگە جاساندى تۇسىك جاساتۋدى دا ۇسىنعان. الايدا، زويدىڭ اتا-اناسى مۇنداي ۇسىنىسقا تۇبەگەيلى قارسى بولدى. ءقازىر ولار دۇرىس شەشىم قابىلداعانىنا ءدان ريزا.

كەيىنىرەك قىزدا ەكىنشى ەمەس، اۋرۋدىڭ ءۇشىنشى دەڭگەيى ەكەنى بەلگىلى بولدى. بۇل دا ادامعا ءقاۋىپتى، الايدا ونىمەن ءومىر سۇرۋگە بولادى.

زويدا سۇيەكتىڭ قۇرىلىمى دۇرىس بولۋىن قاداعالايتىن كوللاگەن جەتكىلىكتى دەڭگەيدە بولىنەدى. الايدا ساپاسى تومەن.

زوي سۇيەكتەرى سىنعان كۇيىندە تۋىلعان.  ال ومىرىندەگى  العاشقى 30 كۇندە اياعىن جانە ەكى قولىن سىندىرىپ ۇلگەرگەن. وڭ قولىن ەكى مارتە سىندىرىپ العان.

بالاقايدىڭ ءتىسى دە قاتتى بەكىمەگەن. بىرنەشە جىل بويى تاماقتانۋ ماسەلەسى قيىنعا سوقتى. قۇلاق سۇيەكتەرىنىڭ سىنۋعا بەيىمدىلىگىنەن اتا-اناسى ونى قاتتى دىبىستاردان قورعايدى.

قىزدى مۇگەدەكتەر ارباسىنان كورگەندەر، اقىلىندا اقاۋى بار دەپ ويلايدى. شىن مانىسىندە، زويدىڭ ويلاۋ قابىلەتىنىڭ قۇرداستارىنان ەش ايىرماشىلىعى جوق.