الەمنىڭ باس ينۆەستورلىق كراۋدفاندينگتىك «Kickstarter» الاڭىندا قازاقستاندىق ءونىمنىڭ تانىستىرىلىمى ءوتتى، دەپ حابارلايدى «قامشى» اقپاراتتىق اگەنتتىگى.

«Kickstarter» الەمدەگى ەڭ مىقتى ينۆەستورلاردىڭ جاڭا يننوۆاسيالىق تاۋارلارعا قارجى سالۋىن ماقسات ەتەدى. وسى كەزەڭگە دەيىن الاڭداعى جۇمىس ناتيجەسىندە مىڭعا جۋىق جوباعا 3 ميللياردتان ارتىق اقش دوللارى كولەمىندە سالىم تۇسكەن.

كومپانيانىڭ باسپا ءسوز بايانداماسىندا: «قازاقستاندا ويلاپ تابىلعان تاۋاردىڭ اتاۋى – «سlean Leaf kz». ول كونكۋرستىڭ بارلىق تالاپتارىنان ءوتىپ، قارجىلاندىرىلاتىن جاڭالىقتار تىزىمىنە قوسىلدى. بۇل الاڭعا جىبەرىلگەن العاشقى قازاقستاندىق يننوۆاسيالىق ءونىم»، - دەلىنگەن.

«Clean Leaf kz» - دارەتحاناعا ارنالعان كوپقاباتتى انتيباكتەريالدى جاپسىرما. ونى قوعامدىق ورىنداردا تازالىق ساقتاۋ ماقساتىندا قولدانۋعا بولادى.