وسىدان بىرنەشە كۇن بۇرىن «قامشى» اقپارات اگەنتتىگى «ازاماتتارعا ارنالعان ۇكىمەت» كورپوراسياسىنىڭ ءتوراعاسى ابىلايحان وسپانوۆ ءوزىنىڭ فەيسبۋك پاراقشاسىندا جاريالاعان ۇسىنىسى تۋراسىندا جازعان بولاتىن. ناقتىراق ايتقاندا، ابىلايحان وسپانوۆ حقو-نىڭ جۇمىس كەستەسىن ءتۇن ورتاسىنا دەيىن ۇزارتۋدى ۇسىنعان بولاتىن.
ارادا بىرنەشە كۇن ءوتىپ، كەشەگى يدەيا بۇگىن ءىس ارەكەتكە اينالىپ، جۇزەگە اسىرىلىپ وتىر.

استانادا ساۋران 7 مەكەنجايى بويىنشا ءتۇن ورتاسىنا دەيىن جۇمىس ىستەيتىن "حالىققا قىزمەت كورسەتۋ ورتالىعى" اشىلدى.

بۇل جوبانى ىسكە اسىرۋشى «ازاماتتىرعا ارنالعان ۇكىمەت» بولدى. كۇنى بويى ءوز جۇمىستارىن جاساپ ۇلگەرمەگەن استانالىق تۇرعىندار ەندى جۇمىس كۇندەرى تاڭعى ساعات 8-دەن 00:00-گە دەيىن، ال دەمالىس كۇندەرى 8-دەن كەشكى 20:00-گە دەيىن جۇمىس ىستەيتىن ورتالىقتىڭ قىزمەتتەرىنە جۇگەنە الادى.

ازىرگە بۇل ورتالىق قالانىڭ ءبىر-اق جەرىندە، ساۋران 7 مەكەنجايى بويىنشا قىزمەت اتقارادى.

بۇل جوبا تەك 2 اي مەرزىمگە عانا جوسپارلانعان ەكەن. ەگەر تۇرعىندار تاراپىنان قازجەتتىلىك بايقالسا وندا جوبا قازاقستاننىڭ باسقا قالالارىندا دا  تولىعىمەن ىسكە اسپاق.

ەگەر ازامات قاجەتتى قىزمەتتەرىن باسقا حقو-دا جۇزەگە اسىرىپ ءجۇرىپ، تۇندە ىستەيتىن ورتالىقتىڭ كومەگىنە جۇگىنگىسى كەلسە، وندا دايىن بولعان قۇجاتتارىن الدىن-الا  ءبىرىڭعاي بايلانىس ورتالعىنىڭ 1414 نومەرى بويىنشا حابارلاسىپ الدىن-الا حقو-داعى دايىن قۇجاتتارىن الۋعا سۇرانىم تاستاۋ ارقىلى نەمەسە تۇنگى حقو-نىڭ ينسپەكتورىنا ءوزىنىڭ قىزمەتتەرى جايىندا حابارلاۋى ءتيىس.

بۇل جوبا «ازاماتتارعا ارنالعان  ۇكىمەت»ء-تتىڭ ازاماتتارعا قىزمەت كورسەتۋ سالاسىن   جەڭىلدەتۋگە بايلانىستى جۇزەگە اسىرىپ وتىرعان العاشىق جوباسى ەمەس.