استاناداعى 1 جاسار بالانىڭ ولىمىنە سەبەپشى بولعان قىتايلىق مەديسينا باعىتىن ۇستاناتىن ورتالىقتىڭ دارىگەرى تۋرالى دەرەكتەر پايدا بولدى. بۇل تۋرالى  «قامشى» اقپارات اگەنتتىگى informburo.kz-كە سىلتەمە جاساپ حابارلايدى. بەلگىلى بولعانداي دارىگەر قابىلداۋعا ءتيىستى دارىلەر ءتىزىمىن تەك قىتايشا جازادى ەكەن.  وسىعان دەيىن ادامداردى جۇڭگو تىلىندە كونسۋلتاسيالاعان ەكەن.

استانا قالاسىنىڭ  ەسىل اۋدانىنىڭ پروكۋرورى تالعات ايتبايەۆ بالا ولىمىنە قاتىستى دەرەكتەردى جاريا ەتتى.

«مەدورتالىق پەداتريا، ينەمەن ەمدەۋ، ماسساج سياقتى قىزمەتتەر كورسەتۋگە ليسەنزياسى بولعان. بۇل ورتالىقتا  جۇڭگو شىعاراتىن سەرتيفيكاسياسى جوق  باد(بيولوگيالىق قوسپالار)ونىمدەرى پايدالانىلعان.

سونىمەن بەرگە ءدال وسى ەمدىك دارىلەردىڭ بارلىعىن دارىگەر تەك جۇڭگو تىلىندە عانا جازىپ تاراتقان. وسى ارقىلى «تىلدەر تۋرالى» زاڭدى بۇزعان.

دارىگەر قىتايدا تۇرعان ەتنيكالىق قازاق ەكەن. پروكۋراتۋرا شەشىمى بويىنشا، ورتالىق اكىمشىلىك جاۋاپقا تارتىلدى. سوت شەشىمىمەن ايىپپۇل سالىندى»- دەدى پروكۋرور.