ماڭعىستاۋ وبلىسىنداعى ءۇش اۋىلدان الىنعان تاۋىق جۇمىرتقاسى قۇرامىنان زياندى حيميالىق ەلەمەنتتەر تابىلدى، دەپ حابارلايدى «قامشى» اقپاراتتىق اگەنتتىگى «Informburo» اقپاراتتىق اگەنتتىگىنە سىلتەمە جاساي وتىرىپ.

چەحيا مەملەكەتىنەن كەلگەن زەرتتەۋشى مارتين سكالسكييدىڭ باسشىلىعىمەن ۇكىمەتتىك ەمەس ۇيىمدار «بۇۇ ورحۋسس كونۆەنسياسى» جوباسىنىڭ اياسىندا ەكولوگيالىق زەرتتەۋ جۇرگىزدى. تاۋشىق، شەتپە، باسقۇدىق اۋىلدارىنان الىنعان تاۋىق جۇمىرتقالارىنىڭ قۇرامىندا كوپ مولشەردەگى گەكسابرومسيكلودودەكان بار بولىپ شىقتى.

مارتين سكالسكييدىڭ ايتۋىنشا: «تاۋىق جۇمىرتقالارىنىڭ ءاناليزى – جوبانىڭ ءبىر بولىگى عانا. ءبىزدىڭ زەرتتەۋىمىزشە ونىمدەردىڭ بۇزىلۋ سالدارى اۋىل-ايماقتاردىڭ جان-جاعىندا قوقىس تاستايتىن ورىنداردىڭ كوپ بولعاندىعىنان بولىپ وتىر. زەرتتەۋىمىز تازا بولۋى ءۇشىن ءبىز ورتالىق قازاقستانناندا وسى ءونىمدى الىپ زەرتتەپ كوردىك. ول جاقتا دا ءدال وسىنداي جاعداي».

عالىمدار بۇل زياندى ءونىمنىڭ ادام اعزاسىنا تيگىزەتىن زاردابىن انىقتاي المادى. «ءبارى ادامنىڭ بۇل ءونىمدى قانشالىق ءجيى جەگەنىنە بايلانىستى. ادام ولاردى بىرنەشە جىل قولدانۋى مۇمكىن. ءبىراق اۋرۋ بەلىگەلىر بىردەن بايقالمايدى»، - دەدى مارتين سكالسكيي.

سونىمەن قاتار، زەرتتەۋشىلەر ماڭعىستاۋلىق شۇبات قۇرامىنان پوليحلورلى دەفينيلدەر تابىلعان. ەكولوگتاردىڭ ايتۋىنشا، ايماقتاعى ەكولوگيالىق جاعدايدى جاقسارتۋ ءۇشىن قوقىس ورىندارىن ازايتۋ كەرەك.

«كەلەسى اپتادا ءبىز وسى ماسەلەنى استانادا تالقىلاماقشىمىز. قوعامدى تەك ەكولوگيالىق جاعدايمەن تانىستىرىپ قانا قويماي، تابيعاتتى قورعاۋعا شاقىرماقشىمىز»، - دەدى ۇكىمەتتىك ەمەس «ەكو ماڭعىستاۋ» ۇيىمىنىڭ ءتوراعاسى كيريلل وسين.