ماحابباتتا شەك بولمايدى دەيدى. اينالاداعى ادامدارعا كوپ قىلىقتار جاقپاعانىمەن، كوپتەگەن عاشىقتار ءبىر-بىرىنىڭ كەمشىلىكتەرىنە كوز جۇما قارايدى. ال، مىنا جۇپتاردىڭ ماحابباتى، ءتىپتى، كەرەمەت، دەپ حابارلايدى «قامشى» اقپاراتتىق اگەنتتىگى شەتەلدىك باق-قا سىلتەمە جاساپ.

نازارلارىڭىزعا الەمدەگى ادام سەنگىسىز وتباسىلىق جۇپتاردىڭ بىرنەشە ءتىزىمىن ۇسىنامىز.

سانەللە ماسەلەلو مەن حەلين شابانگو.

بۇل جۇپتىڭ نەگىزگى ەرەكشىلىگى سۋرەتتەن-اق كورىنىپ تۇرعان بولار. 8 جاستاعى سانەللو ءوزنىڭ ومىرلىك جارى رەتىندە 61 جاستاعى حەلين شابانگونى تاڭداپتى. حەلين ءوز جارىنىڭ اتاسى ۇناتقان ايەل بولعان، الايدا مارقۇم اتاسىنىڭ كوزى تىرىسىندە ۇيلەنۋگە مۇمكىندىگى بوماپتى. سانەللو سول اتاسىنىڭ قۇرمەتىنە سول كىسىنىڭ اتىمەن اتالعان. كەزندە اتاسىنىڭ ۇناتقان ايەلىن 8 جاستاعى سانەللو ايەلدىككە الدى.

مانگولي مۋندا مەن قاڭعىعان يت

ءيا، بۇل ءتىپتى جاعا ۇستاتارلىق جاعداي. ءۇندىستان تۇرعىنى مانگولي مۋندا اۋىل اقساقالدارىنىڭ شەشىمىمەن كوشەدە قاڭعىعان يتپەن تۇرمىس قۇرۋىنا ءماجبۇر بولدى. اقساقالداردىڭ ويىنشا، مۇنداي ىس-ارەكەتتەر ارقىلى اۋىلعا ءتونىپ تۇرعان ءتۇرلى قارعىس پەن تابيعي اپاتتاردان ساقتانۋعا بولادى ەكەن. دەگەنمەن، مانگولي مۋندا ءوزىنىڭ سۇيگەن جىگىتىمەن دە وتباسىن قۇرا الادى، ال ول ۋاقىتقا دەيىن بويجەتكەن قازىرگى ءتورت اياقتى جۇبايىنا بارىنشا قامقورلىق جاساۋى قاجەت.

فرانسۋا فەرناندەس پەن مادلەن فرانسيلين

بۇل جۇپ گينەسستىڭ رەكوردتار كىتابىنا ەڭ كارى جۇپ رەتىندە ەنگەن. ۇيلەنگەن كەزىندە فرانسۋا 90 جاستا بولسا، مادلەن 94 جاستا بولعان.

ارەن ەندريۋس پەن كەتي حيلل

بۇل جۇپ، ءبىر قاراعاندا، ەشقانداي دا ەرەكشەلىگى جوق قاراپايىم جۇپتار سەكىلدى. الايدا، بۇل قوس عاشىقتىڭ تاريحى مۇلدەم اقىلعا سىيىمسىز. سەبەبى، ەكى عاشىق تا بىر-بىرىمەن تانىسپاس بۇرىن ەكەۋى دە جىنىستارىن اۋىستىرعان ەكەن.

فرانسەنالدو دوسيل ۆاكارۆاليۋ مەن ەليزا دەكرۋيسسيۆا

سۋرەتتەن كورىپ تۇرعانىمىزداي، جىگىتتىڭ بويى 165 سانتيمەتر بولسا، ونىڭ عاشىعى ەليزانىڭ بويى 210 سانتيمەترگە دەيىن وسكەن. بۇعان قاراماستان، فرانسەنالدو جۇرەگى قالاعان قىزعا تۇرمىسقا شىعۋعا ۇسىنىس جاساپ، ونىڭ كەلىسىمىن العان.

تاي زيگەل مەن رەنەك لياين

اقش ارمياسىنىڭ سەرجانتى تاي زيگەل يراكتان بەت-الپەتى ادام شوشىرلىق بولىپ ورالعان. سوعىسقا ونى سۇيگەن قىزى شىعارىپ سالادى. كەلگەننەن سوڭ، ەكەۋى ۇيلەنۋگە شەشىم قابىلداپ، 2016 جىلى توي جاسايدى. الايدا، بۇل نەكە ءساتسىز اياقتالىپ، ەكى جۇپ اجىراسىپ كەتكەن.

ۆەرن تروير مەن جەنيەۆ گالەن

بويى 82 سانتيمەتر بولعان ۆەرن تروير ەش قىمسىنبايدى. كەرىسىنشە، كوپشىلىكتىڭ الدىنا ول سۇلۋ دا سىمباتتى قىزدارمەن كوپ شىعادى. ومىرلىك جارى رەتىندە تاڭداعان عاشىعى جەنيەۆ گالەن دە ءتۇرى مەن سىمباتى كەلىسكەن مودەلدەردىڭ ءبىرى. دەگەنمەن، بۇل نەكە دە اجىراسۋمەن اياقتالدى.

اۋدارعان: نازەركە لابيحان