بالاڭىزبەن قارىم-قاتىناس جاساۋداعى 10 باستى قاعيدا:

1. ءاردايىم ەستەن شىعارماڭىز: ءسىزدىڭ بالاڭىز – ءسىزدىڭ ءومىرىڭىزدىڭ قۋانىشى.

2. بالاڭىزدىڭ كوزىنشە بىلاپىت ءسوز ايتۋدان اۋلاق بولىڭىز، وتباسى مۇشەلەرىنەن دە وسىنى تالاپ ەتىڭىز.

3. بالاڭىزدىڭ  سىزگە نەمەسە ءسىز قالاعان ادامعا ۇقساپ ءوسۋىن تالاپ ەتپەڭىز. ءوز قابىلەتىنە ساي تولىققاندى ازامات بولۋىنا بار جاعدايىن جاساڭىز.

4. بالاڭىزدىڭ جىبەرۋى مۇمكىن قاتەلىكتەرىنە قاتتى سىنمەن قاراماڭىز. ونىڭ تاجىريبەسى از. وعان ءاردايىم سەنەتىنىڭىزدى ايتىپ وتىرىڭىز.

5. تەك بالاڭىزدى ەمەس، ءوزىڭىزدى دە تاربيەلەڭىز. بالاعا ەڭ ءبىرىنشى اسەر ەتەتىن فاكتور – ءوزىڭىزسىز.

6. بالاڭىزدىڭ ەڭ جاقىن دوسى ءوزىڭىز ەكەنىن ءبىلدىرىڭىز. بۇعان كۇندەلىكتى قولداۋ—قولپاشتاۋ فرازالارىن پايدالانۋ ارقىلى قول جەتكىزۋگە بولادى.

7. بالاڭىزعا ەركىندىك بەرۋدى ۇمىتپاڭىز. كيىنۋدە بولسىن، بولمە ساندەۋدە بولسىن، ءوزىنىڭ تالعامىنا ەرىك بەرىڭىز.

8. ءوزىڭىز قانداي-دا ءبىر شەشىم قابىلداۋ بارىسىندا، بالاڭىزدىڭ بۇدان حاباردار بولۋعا قۇقى بار ەكەنىن ەستەن شىعارماڭىز. وسىلايشا، «وتباسى – كىشى مەملەكەت» ەكەنىن جاستايىنان ساناسىنا سىڭىرە الاسىز.

9. بالاڭىزعا ەركىندىك بەرە وتىرىپ، قاداعالاۋدى داعدىلاندىرىڭىز. بالاڭىز ءسىزدى قۇرمەتتەسىن دەسەڭىز، سوعان لايىقتى بولۋى كەرەكسىز.

10. بالاڭىزعا سالىستىرۋ مەن سالعاسىتىرۋدى، اناليز بەن سينتەز جاساۋدى ۇيرەتىڭىز. بۇل ءادىستى قاراپايىمنان كۇردەلىگە قاراي جاساعانىڭىز ءجون.

ماتەريالداردى جيناعان: الينا بولاتبەك