امەريكاندىق ادام دجونسون مەن سكوتت سپرينگگس  ەسىمدى ەكى ازامات تاريحتا «ەڭ اقىلدى تۇتقىندار» رەتىندە قالماق.  وگايو شتاتىندا ماريون تۇرمەسىندە جازالارىن وتەپ جۇرگەن ولار

       تەحنيكالىق جابدىقتاردى قايتا وڭدەۋدەن كەيىن وزدەرىمەن بىرگە كومپيۋتەردىڭ ءبىرشاما ماڭىزدى، قاجەتتى بولىكتەرىن الىپ كەتكەن. سولاي قالدىقتاردى جيناي كەلە جاڭا كومپيۋتەرلەر جاساپ شىعارعان. بۇل تۋرالى «قامشى» اقپارات اگەنتتىگى life.ru-عا سىلتەمە جاساپ حابارلايدى.

مالىمەتتەرگە سۇيەنسەك، تولىققاندى جۇمىس ىستەيتىن كومپيۋتەرلەر  تۇرمە كامەراسىنداعى شكافتىڭ جوعارعى جاعىندا جاسىرىنعان ەكەن. سونىمەن بىرگە، كومپيۋتەر قۇرالدارى جوعارعى دەپارتامەنت اپپاراتىنا قوسىلۋلى بولعان ەكەن.

           سپرينگگس پەن دجونسون قالاي ەكەنى بەلگىسىز، كامەرا توبەسى ارقىلى جەلىگە شىعىپ، عالامتورعا قولجەتىمدىلىك العان. عالامتور جەلىسىنە قوسىلۋعا مۇمكىندىك العان ەكەۋى عالامتور جەلىسىنەن قولدان جارىلاتىن زاتتاردى جاساپ شىعارۋ، ەسىرتكىنى قولدان جاساۋ تۋراسىندا ماقالالاردى وقىپ، ۆيدەو كورگەن.

سونىمەن بىرگە، دجونسون باسقا تۇتقىننىڭ جەكە باس مالىمەتتەرىن ۇرلاپ، كرەديتتىك كارتالارىنا قولجەتكىزۋ ماقساتىندا ساقتاندىرۋ ءنومىرىن قولدانعان.

ارينە، ويىن-ساۋىق تۋرالى دا ەكى اقىلدى تۇتقىن ۇمىتپاسا كەرەك: ءتۇرلى سەريالداردى، پورنوگرافيانى كوشىرىپ الىپ قاسىنداعى تۇتقىندارعا تاراتۇان.

ۇكىمەت ورگاندارىنىڭ پىكىرىنشە، ەكى تۇرمە تۇتقىنى عالامتورعا شىعۋ مۇمكىندىگىن تۇرمە قۇجاتتارىنا قولجەتكىزۋ ماقساتىندا قولدانعان.

ەكى ەر ادام 2015 جىلدان باستاپ وسى ارەكەتتەرىمەن اينالىسىپ كەلگەن، ءبىر قىزىعى مۇنى ەشكىم بايقاماعان. تەك ارادا ەكى جىل وتكەن سوڭ عانا تۇرمە تۇتقىندارىنىڭ بۇل قىلمىسى  اشكەرە بولدى.