ەلباسى نۇرسۇلتان نازاربايەۆتىڭ "بولاشاققا باعدار. رۋحاني جاڭعىرۋ" اتتى ماقالاسىندا "ءبىز لاتىن الىپبيىنە كوشۋدى باستايمىز" دەگەن ەدى. وسىعان قاتىستى كوپتەگەن قوعام قايراتكەرلەرى، ءتىل ماماندارى، دەپۋتاتتار ءوز پىكىرىن ءبىلدىردى دەپ حابارلايدى "قامشى" اقپاراتتىق اگەنتتىگى. ونىڭ ىشىندە قازاقستان كوممۋنيستىك حالىق پارتياسىنىڭ مۇشەسى ي.ۆ سميرنوۆا دا بار. ول لاتىن الىپبيىنە كوشۋ ارقىلى ءبىز ورىس الەمىنەن الىستاپ كەتەمىز دەگەن ەدى.
"مۇنداي جولمەن قازاقستان ورىس الەمىنەن الىستايدى. سەبەبى، كيريلليسا جويىلسا، بۇل ءالىپبي دە جوعالادى. بۇل مەنى جابىرقاتادى" دەدى دەپۋتات. وسى ايتقان پىكىرىنە قاتىستى يرينا ۆلاديمير قىزى تۇسىندىرمە بەردى.
«قازاق ءتىلىنىڭ لاتىن الىپبيىنە كوشۋگە قاتىستى ايتقان پىكىرىمدى دۇرىس جەتكىزە الماعانىم ءۇشىن كەشىرىم سۇرايمىن. مەن لاتىن الىپبيىنە كوشۋدى قولدايمىن. سەبەبى ول وتە قاجەت. جاڭا بىلىممەن قارۋلانۋعا مۇمكىندىك پايدا بولادى. لاتىن الىپبيىنە نەگىزدەلگەن وزگە تىلدەردەگى زاماناۋي ادەبيەتتى وقي الامىز.
كلاسسيكتەردىڭ شىعارمالارىن لاتىن الىپبيىنە كوشىرۋدەگى قيىندىقتار تۋرالى قاۋىپتەنگەن ەدىم» دەپ جازدى دەپۋتات.
پىكىر قالدىرۋ