قىرعىزستان دەپۋتاتى قانىبەك يمانالييەۆ قىرعىزدار كيريلليسادان باس تارتىپ، لاتىن الىپبيىنە كوشۋى كەرەك دەپ مالىمدەدى. بۇل تۋرالى «قامشى» اقپاراتتىق اگەنتتىگى حابارلايدى politobzor.net-كە سىلتەمە جاساپ.

«كيريلليسا – بۇل ينتەللەكتۋالدىق مۇرا. ارينە ونى قولدانامىز. الايدا ءبىز ەشتەڭەگە قاراماستان لاتىن الىپبيىنە كوشۋىمىز كەرەك. وعان ۋاقىت پەن تەحنولوگيانىڭ دامۋى قاجەت» دەدى دەپۋتات.

قانىبەك يمانالييەۆ لاتىن الىپبيىنە تۇبەگەيلى كوشۋ ءۇشىن مەملەكەتتىك بيۋدجەتتە ازىرشە اقشا جوق ەكەنىن دە ايتىپ ءوتتى.

«لاتىن الىپبيىنە كوشۋ ءۇشىن قوماقتى قاراجات كەرەك. بىزدە ونداي اقشا جوق شىعار. الايدا ءبىز دە 2030-2040 جىلدارعا قاراي لاتىن الىپبيىنە كوشۋىمىز كەرەك. وعان دايىندىقتى قازىردەن باستاۋ كەرەك».

ايتا كەتەيىك،  قازاقستان پرەزيدەنتى نۇرسۇلتان نازاربايەۆ «بولاشاققا باعدار: رۋحاني جاڭعىرۋ» اتتى ماقالاسىندا قازاقستاننىڭ لاتىن الىپبيىنە كوشەتىندىگىن جازعان.

«لاتىنشاعا كوشۋدىڭ تەرەڭ لوگيكاسى بار. بۇل قازىرگى زامانعى تەحنولوگيالىق ورتا­نىڭ، كوم­مۋنيكاسيانىڭ، سونداي-اق، ءححى عاسىر­داعى عىلى­مي جانە ءبىلىم بەرۋ پروسەسىنىڭ ەرەكشە­لىك­تەرىنە بايلانىستى. مەكتەپ قابىرعاسىندا بالالارىمىز اعىلشىن ءتىلىن وقىپ، لاتىن ارىپتەرىن ونسىز دا ۇيرەنىپ جاتىر. سوندىقتان، جاس بۋىن ءۇشىن ەشقانداي قيىندىق، كەدەرگىلەر بولماق ەمەس. 2017 جىلدىڭ اياعىنا دەيىن عالىمداردىڭ كومەگىمەن، بارشا قوعام وكىلدەرىمەن اقىلداسا وتىرىپ، قازاق ءالىپبيىنىڭ جاڭا گرافيكاداعى ءبىرىڭعاي ستاندارتتى نۇسقاسىن قابىلداۋ كەرەك. 2018 جىلدان باستاپ جاڭا ءالىپبيدى ۇيرەتەتىن مامانداردى جانە ورتا مەكتەپتەرگە ارنالعان وقۋلىقتاردى دايىنداۋعا كىرىسۋىمىز قاجەت. الداعى 2 جىلدا ۇيىمداستىرۋ جانە ادىستەمەلىك جۇمىستار جۇرگىزىلۋگە ءتيىس. ارينە، جاڭا الىپبيگە بەيىمدەلۋ كەزەڭىندە بەل­گىلى ءبىر ۋاقىت كيريلليسا ءالفاۆيتى دە قول­دانىلا تۇرادى» دەپ جازدى نۇرسۇلتان نازاربايەۆ.