كەشە بىرىككەن اراب امىرلىگىندەگى ابۋ دابي قالاسىندا وتكەن برازيليالىق دجيۋ-دجيتسۋدان الەم بىرىنشىلىگىندە 11 جاستاعى اقتوبە قالاسىنىڭ تۋماسى شەرحان ەسەنكەلدين الەم چەمپيونى اتاعىن جەڭىپ الدى دەپ حابارلايدى قامشى اقپاراتتىق اگەنتتىگى Nur.kz پورتالىنا سىلتەمە جاساپ.

بۇل تۋرالى رەداكسيامىزعا حابارلاسقان شەرحاننىڭ اكەسى جەڭىس بەكماعانبەتوۆ حابارلاسىپ، ءسۇيىنشى سۇرادى.

"ۇلىم الەم چەمپيونى اتاندى!"، - دەگەن ول ءوزىنىڭ قۋانىشىن جاسىرمادى.

"مەن بالام ەكەۋمىز 2 جىل بۇرىن برازيليالىق دجيۋ-دجيتسۋ سپورتىنا قاتىسۋدى بىرگە باستاعانبىز. مەن ءوزىم بۇعان دەيىن بالا كەزىمدە گرەك-ريم كۋرەسىمەن اينالىسقانمىن.

سول كەزدە قانشا ۇتىپ جۇرسەڭ دە، شەت ەلگە شىعۋعا قارجىلاي مۇمكىندىك بولمايتىن.

بالامنىڭ كۇرەسكە دەگەن يكەمى مەن تالپىنىسىن كورىپ، جاتتىعۋدان قالدىرماستان، ءارى قاراي دامىتۋدى ماقسات ەتتىم. ابۋ-دابيگە كەتىپ بارا جاتىپ: "كوكە، قازاقستاندا مەنىڭ سالماعىمدا لايىقتى قارسىلاس جوق، نە بولسا دا چەمپيون بولۋىم كەرەك"، - دەدى.

شەرحان اقتوبە قالاسىنداعى №18 مەكتەپتىڭ 5-سىنىپ وقۋشىسى. الەم بىرىنشىلىگىندە ول 27 كەلى سالماقتا رەسەيلىك جاس سپورتشى شاميل دادايەۆپەن جەكپە-جەككە شىققان.

اتالعان الەم بىرىنشىلىگى ءساۋىردىڭ 18ء-سى كۇنى اياقتالادى. شەرحاندى بۇل سايىسقا دايىنداعان جاتتىقتىرۋشىسى - كاجەكوۆ نارتاي، ال باس جاتتىقتىرۋشىسى -  ءاشىم قالي.