مەملەكەت قايراتكەرى، قازاق ءتىل ءبىلىمى مەن ادەبيەتتانۋ عىلىمدارىنىڭ نەگىزىن سالۋشى عالىم، ۇلتتىق جازۋدىڭ رەفورماتورى، اعارتۋشى احمەت بايتۇرسىن ۇلى ەسىمىن جاستار اراسىندا كەڭىنەن ناسيحاتتاۋ ماقساتىندا ءى رەسپۋبليكالىق قازاق ءتىلى مەن ادەبيەتى پانىنەن وقۋشىلار وليمپياداسى باستالدى دەپ حابارلايدى قامشى اقپاراتتىق اگەنتتىگى. وليمپيادا qaztest.kz سايتىندا وتكىزىلەدى.

وليمپيادانى ق ر تۇڭعىش پرەزيدەنتى – ەلباسى قورىنىڭ «ەڭ ۇزدىك ءبىلىم سايتى» اتالىمىنىڭ جەڭىمپازى مartebe.kz ءبىلىم پورتالىمەن  Qaztest.kz  ينتەرنەت سايتى بىرلەسە وتىرىپ وتكىزۋدە. اتالمىش جوبا دارىندى وقۋشىلار مەن تالانتتى شاكىرتتەردى انىقتاۋ جانە ولاردى قولداۋ، ينتەللەكتۋالدى سايىستارعا قاتىسۋىن ىنتالاندىرۋ ماقساتىندا ۇيىمداستىرىلىپ وتىر.

وليمپيادانىڭ احمەت بايتۇرسىن ۇلى ەسىمىمەن اتالىنۋىنىڭ ءوزى دە ۇيىمداستىرۋشىلارعا زور جاۋاپكەرشىلىكتى جۇكتەيدى. ينتەرنەت ارقىلى ءبىلىم الۋ قول جەتىمدى بولعان زاماندا مۇنداي جوبالاردىڭ اتاۋىنا دا ءمان بەرگەن ءجون. سول سەبەپپەن ءتىل عىلىمدارىنىڭ نەگىزىن سالۋشى ا.بايتۇرسىن ۇلى ەسىمىمەن اتاعاندى ءجون كوردىك. وليمپيادادا وقۋشىلارعا قازاق ءتىلى مەن ادەبيەتىنەن جانە وقۋ ساۋاتتىلىعىنان تەرەڭدەتىلگەن سۇراقتار بەرىلەدى،- دەيدى جوبا اۆتورى بەرىكبول تولەگەن.

اتالمىش وليمپياداعا 5-11 سىنىپ وقۋشىلارى قاتىسىپ،  «جەڭىل، ورتاشا، كۇردەلى جانە وتە كۇردەلى» دەڭگەيدەگى تەست تاپسىرمالارىن ورىنداي الادى.
وليمپيادادا ۇزدىك دەپ تانىلعان وقۋشىلارعا «احمەت بايتۇرسىن ۇلى اتىنداعى» ستيپەنديا جانە ءى،ءىى،ءىىى  دارەجەلى ديپلومدار تاعايىندالادى. تۇڭعىش ۇيىمداستىرىلىپ وتىرعان وليمپيادا 30 ساۋىرگە دەيىن جالعاسادى.