600 مىڭ گا الاڭىندا يرريگاسيا مەن كارىزدى قالپىنا كەلتىرۋ بولىمىندەگى اگروونەركاسىپتىك كەشەندى دامىتۋ مەملەكەتتىك باعدارلاماسىن ىسكە اسىرۋ شەڭبەرىندە، اۋىل شارۋاشىلىعى مينيسترلىگىنىڭ سۋ رەسۋرستارى كوميتەتى قارجىلاندىرۋ كوزدەرىن ىزدەستىرۋ جۇمىستارىن جۇرگىزۋدە. ءبىرىنشى كەزەڭدە ەكى حالىقارالىق بانكتىڭ يسلام دامۋ بانكى مەن ەۋروپالىق دامۋ بانكتەرىنىڭ قارىزدارىن تارتۋ جوسپارلانۋدا. وسى بانكتەردىڭ ەسەبىنەن الماتى مەن وڭتۇستىك قازاقستان وبلىستارىنداعى 135 مىڭ گا قالپىنا كەلتىرىلەدى جانە وڭتۇستىك قازاقستان وبلىسىندا 101 مىڭ گا الاڭداعى جەردىڭ جاي-كۇيى جاقسارتىلاتىن بولادى دەپ حابارلايدى قامشى اقپاراتتىق اگەنتتىگى ق ر اشم باسپا ءسوز قىزمەتىنە سىلتەمە جاساي وتىرىپ.

اعىمداعى جىلدىڭ 17-23 ءساۋىر ارالىعىندا قازاقستانعا يسلام دامۋ بانكىنىڭ كوميسسياسى كەلەدى. ولار يرريگاسيا مەن كارىز بويىنشا ءبىرىنشى قارىزدىڭ پىسىقتالۋىن اياقتاۋعا، قول قويار الدىندا قۇجاتتاردى سوڭىنا دەيىن جەتكىزۋگە ءتيىس.

ءارى قاراي يسلام دامۋ بانكىنىڭ نەسيەلەرى ەسەبىنەن قىزىلوردا جانە سولتۇستىك قازاقستان وبلىستارىنداعى 8 توپتىق سۋ قۇبىردىڭ قۇرىلىسىن، سونداي-اق قىزىلوردا قالاسىنىڭ ارىق سۋلاندىرۋ جۇيەسىن اياقتاۋ جوسپارلانۋدا.

جوبانى ورىنداۋ شەڭبەرىندە سۋ كوزدەرىنە قوسۋ، 200 مىڭعا جۋىق ادامدى (س.ءى. قىزىلوردا وبلىسى – 115 مىڭ ادام، سقو 85 مىڭ ادام) ساپاسى جوعارى اۋىز سۋمەن 24 ساعات بويى قامتاماسىز ەتۋ، 103 اۋىلدىق ەلدى مەكەننىڭ سۋمەن جابدىقتالۋىن جاقسارتۋ كوزدەلگەن.