جۇزدەسۋ بارىسىندا ەكى باۋىرلاس قالانىڭ ىنتىماقتاستىق پەرسپەكتيۆالارى، سونىڭ ىشىندە استانادا ەكسپو-2017 حالىقارالىق مامانداندىرىلعان كورمەسىن وتكىزۋ كەزىندە بەيجىڭ كۇندەرىن وتكىزۋ جايى تالقىلاندى دەپ حابارلايدى قامشى اقپاراتتىق اگەنتتىگى استانا اكىمى اپپاراتىنىڭ باسپا ءسوز قىزمەتىنە سىلتەمە جاساي وتىرىپ.
ءا. يسەكەشيەۆ قازاقستانداعى جۇڭگو ءتۋريزمىنىڭ جىلى شەڭبەرىندە ىسكەرلىك جانە مادەني بايلانىستاردى كەڭەيتۋدەگى تۋريستىك سالانىڭ الەۋەتى زور ەكەنىن اتاپ كورسەتتى جانە بەيجىڭ تۋريستەرىن ەكسپو-2017 كورمەسىنە شاقىردى.
قحر حالىقارالىق ساۋدانى قولداۋ جونىندەگى كوميتەتىنىڭ اقپاراتىنا سايكەس، ەكسپو-2017 شەڭبەرىندە 300 000 جۋىق تۋريست قازاقستانعا ساپارلاپ كەلۋدى جوسپارلاپ وتىر. 2017 جىلدىڭ 16-18 ماۋسىمنان باستاپ استاناداعى بەيجىڭ كۇندەرىنەن باستاپ ءۇش اي ىشىندە قىتايدىڭ 22 پروۆينسياسىنىڭ دەلەگاسيالارى ءوز ەكسپوزيسيالارىن ۇسىنىپ، وزدەرىنىڭ ىسكەرلىك الەۋەتى مەن مادەنيەتىن تانىستىرماق.
ءا. يسەكەشيەۆ پەن ساي سي سونداي-اق، قازاقستان ەلورداسىندا قازاقستان-قىتاي جوبالارىنىڭ ءبىرى بولىپ تابىلاتىن جەڭىل رەلستى كولىك (LRT) قۇرىلىسى جوباسىن ىسكە اسىرۋدى تالقىلادى.
بۇدان باسقا اكىم استانا مەن بەيجىڭ اراسىندا كولىك باسقارۋ سالاسىندا تۇراقتى ارىپتەستىكتى جانە تاجىريبە الماسۋدى جولعا قويۋعا مۇددەلىلىك تانىتتى.
سونداي-اق، ەلوردا باسشىلارى ەكونوميكالىق سالادا ىنتىماقتاستىقتى كەڭەيتۋ بويىنشا ءبىرقاتار باعىتتاردى بەلگىلەدى.
سونىمەن قاتار، ءا. يسەكەشيەۆ بەيجىڭنىڭ كولىك جۇيەسىن باسقارۋ ورتالىعىندا بولىپ، جۇڭگو استاناسىندا ءىرى شارالاردى وتكىزۋ كەزىندە كولىك جۇمىسىن ۇيىمداستىرۋمەن تانىستى.
ساپار شەڭبەرىندە استانا اكىمى سونداي-اق كولىك، قۇرىلىس. يندۋستريالىق پاركتەردى، «سمارت»-تەحنولوگيالاردى دامىتۋ، سپورتتىق نىسانداردى باسقارۋ سالالارىنداعى قىتايدىڭ الدىڭعى قاتارلى كومپانيالاردىڭ وكىلدەرىمەن كەزدەستى.
بۇعان قوسا، ءا. يسەكەشيەۆ شىۇ حاتشىلىعىندا بولىپ، ۇيىمنىڭ باس حاتشىسى اليموۆپەن استانا قالاسىنىڭ اتالعان بىرلەستىكپەن ىنتىماقتاستىق ماسەلەلەرىن تالقىلادى.
