سولتۇستىك قازاقستان وبلىسىنىڭ اكىمى قۇمار اقساقالوۆ جۇمىس ساپارىمەن قىزىلجار جانە تيميريازيەۆ اۋداندارىندا بولدى.  بەسكول اۋىلىندا ءوڭىر باسشىسى «رادۋگا» ءجشس-نىڭ ءوندىرىس ورنىمەن تانىستى.  سەرىكتەستىكتىڭ  ءىرى  فيليال جەلىسى،  وزىندىك ينفراقۇرىلىمى بار، وندا  مەتالدان، پلاستيكادان  200-دەي حالىق تۇتىناتىن تاۋارلار، سول سياقتى  ازىق-تۇلىك تاعامدارى شىعارىلادى.

 قۇمار اقساقالوۆقا  كاسىپورىننىڭ  وندىرىستىك عيماراتتارى كورسەتىلدى.  ءجشس-نىڭ باس ديرەكتورى دميتريي شاراپايەۆتىڭ ايتۋىنا قاراعاندا،  كومپانيا ءوز ونىمدەرىن  قازاقستانعا عانا ەمەس، رەسەيدىڭ ومبى، چەليابى جانە قورعان وبلىستارىنا ەكسپورتتايدى. بەسكول اۋىلىنداعى ءوندىرىس الاڭدارىندا  پاكەتتەر،  پلاستيكالىق بۇيىمدار، قالدىقتاردان پلاستيكا تۇيىرشىكتەرىن، مەتالدان  بۇيىمدار شىعارۋعا ارنالعان سەحتار ورنالاسقان.

   «قۇبىر ءوندىرىسىن باستاعىمىز كەلەدى. ءقازىر ونى رەسەيدەن ساتىپ الىپ جاتىرمىز،  ءبىر ايدان كەيىن وزىمىزدە شىعاراتىن بولامىز. سوندا ءبىز  ونىمدەرىمىزدىڭ 90 پايىزى  قازاقستاندىق بولدى دەپ ايتا الامىز»،- دەدى دميتريي اناتوليەۆيچ.

    كاسىپورىن باسشىسى  مەملەكەتتىڭ قولداۋى ارقاسىندا  ءوندىرىستى كەڭەيتىپ جاتقانىن دا العا تارتتى. وتكەن جىلدىڭ سايكەس مەرزىمىمەن سالىستىرعاندا  كومپانيانىڭ ونىمدىلىگى 100 پايىزعا ارتقان. ءقازىر مۇندا پلاستيكا مەن مەتالدان 200-دەي ءونىم شىعارىلادى.

    «كاسىپورىن  ۇقساتۋ بويىنشا بيزنەسكە قولداۋ رەتىندە مەملەكەتتەن كومەك الىپ، ونى مەملەكەتكە سالىق تۇرىندە بىرنەشە ەسەلەپ قايتاردى. بۇل وتە جاقسى ءادىس. پرەزيدەنتتىڭ تاپسىرماسى بويىنشا  شاعىن جانە ورتا بيزنەستى دامىتۋدى 50 پايىزعا جەتكىزۋىمىز كەرەك. ءقازىر وبلىس بويىنشا 23 پايىز – بۇل وتە از.ءبىز ۇقساتۋمەن اينالىساتىندارعا شاعىن جانە ورتا بيزنەستىڭ  ۇلەسى كوپ بولۋى ءۇشىن بارىنشا كومەكتەسەمىز.  ول – ءبىزدىڭ مىندەتىمىز»،- دەدى ءوڭىر باسشىسى.

    سودان كەيىن قۇمار اقساقالوۆ جەرگىلىكتى تاۋار وندىرۋشىلەردىڭ ونىمدەرىمەن تانىستى. «Dostare New»  ج ش س  وبلىس اكىمىنە قازاقستاندىق بەتونارالاستىرعىش،  ارلەۋ ستانسياسى، جىلۋ جەلدەتكىش، جۇك كوتەرۋ قۇرال-جابدىقتارى سياقتى ونىمدەرىن كورسەتتى.

    «بىزدە جاقسى ديزاينەرلەرىمىز جانە بىرنەشە پەشىمىز  بار.  كوبىنە استاناعا جۇمىس ىستەيمىز،  سول سياقتى پەتروپاۆلدىڭ ءىرى كاسىپورىندارى تاپسىرىس بەرەدى. رەسەيمەن دە ىنتىماقتاستىق ورناتامىز»، - دەدى  كومپانيا ديرەكتورى ورازبەك اقتايەۆ.

    «احمۋتدينوۆ» جك وكىلدەرى ءوڭىر باسشىسىنا  اعاش جاڭقالارىنان ازىرلەنگەن  بيووتىنداردى كورسەتتى. «بەسكول قۇس فابريكاسى» «الەكري» جانە «التاي - سك»  قۇس فابريكالارى  ونىمدەرىنىڭ كورمەسى دە  ۇسىنىلدى.  قىزىلجار اۋدانىندا كونسەرۆىلەر دە،  جارتىلاي فابريكاتتار مەن  جانۋارلارعا  ارنالعان جەمازىق تا، ءسۇت ونىمدەرى دە شىعارىلادى.  مىسالى، «مولسەرۆيس» ج ش س  كۇنىنە 17 توننا ءسۇت وڭدەيدى.  ونىڭ ءوندىرىس ۇردىسىمەن وبلىس اكىمى جەكە تانىستى.

    «كاسىپورىن  ءوڭىرىمىزدىڭ 4 اۋدانىنان جانە اقمولا وبلىسىنان اكەلىنەتىن  شيكىزاتپەن جۇمىس ىستەيدى.  ەشقانداي ماي پايدالانبايمىز،  پالما مايىن  مۇلدەم كورگەن ەمەسپىز.  بيىل ءبىرىنشى توقساندا جاقسى جۇمىس ىستەدىك.  شيكىزاتتى 50 پايىزعا كوبەيتىپ، سوعان وراي ءوندىرىس كولەمىن دە ارتتىردىق.شيكىزات جەتكىلىكتى، جاز ايلارىندا ارتىلىپ تا قاوادى.  وتكىزۋدەن قيىندىق جوق»، - دەدى  ج ش س ديرەكتورى  سەرگەي چەپۋركو.

    «وسىنداي سەحتار كوپ بولۋعا ءتيىستى، وندەلۋى دە كوپ.  ءبىز مال شارۋاشىلىعىمەن اينالىسىپ،  وعان قولداۋ كورسەتەمىز. سولتۇستىك قازاقستان وبلىسىنىڭ وسىنداي جەرلەرىندە ءداستۇرلى  كاسىپتى دامىتۋ كەرەك. استىق، نان، ەت، ءسۇت – بارىنشا دامىتاتىن   ءبىزدىڭ باستى قۇندىلىقتارىمىز»،- دەپ اتاپ ايتتى قۇمار اقساقالوۆ.

جۇمىس ساپارى اگرارشىلارمەن كەزدەسۋ ارقىلى جالعاستى.  بۇگىنگى كۇنى اۋداندا 1 كس، 60 ج ش س، 247 شق مەن فش جۇمىس ىستەيدى.  ءقازىر كوكتەمگى-دالا جۇمىستارىنا قىزۋ ازىرلىك جۇرگىزىلىپ جاتىر. ءوڭىر باسشىسى  استىقتىڭ ساپاسى  جەردى دۇرىس وڭدەۋگە بايلانىستى ەكەندىگىن  تاعى دا ەسكە سالدى. قۇمار اقساقالوۆ  شارۋاشىلىق  قىزمەتكەرلەرىنىڭ ەڭبەكاقىسىن كوبەيتۋ  مىندەتىن قويدى.

    ساپار سوڭىندا  ءوڭىر باسشىسى اۋداننىڭ ارداگەرلەرىمەن كەزدەستى.

     سودان كەيىن ءوڭىر باسشىسى تيميريازيەۆ اۋدانىندا  «كەسس» ءجشس-نىڭ كاسىپورنىمەن تانىستى.  كومپانيا ۇن ۇگۋمەن جانە كەبەك شىعارۋمەن اينالىسادى.  سەرىكتەستىك ديرەكتورى يسا اللاحياروۆتىڭ سوزىنە قاراعاندا، وتكەن جىلى 46 مىڭ توننا ۇن ۇگىلگەن.

    «1-سۇرىپتى ۇنىمىزدىڭ ساپاسى وتە جوعارى، ونى «حالال» دەپ اتاۋعا ابدەن بولادى. ويتكەنى وعان ەشقانداي قوسپا قوسىلمايدى. ەشقانداي ۇنتاق تا قوسپايمىز.  سۇرانىم كوپ»،- دەيدى   يسا اللاحياروۆ.

  فيرما ءونىمى ەكسپورتقا باعدارلانعان. ولار ءوز ءونىمىن اۋعانستانعا، مونعولياعا، تاجىكستەن مەن وزبەكستانعا جونەلتەدى.  سوڭعى كەزدە  تاجىكستەن مەن وزبەكستان نارىعىن جوعالتىپ الىپتى. وعان سول ەلدەردىڭ  ءوز ءوندىرىسىن ىسكە قوسۋى سەبەپ بولعان، ەندى ولار استىق ساتىپ الۋعا عانا مۇددەلى. وبلىس اكىمى باسقا نارىقتاردى ىزدەستىرۋدى ۇسىندى.

   «بىزدە يران، جۇڭگو نارىعى بار. قالاي بولعاندا دا،  ۇقساتۋ جولىمەن ءجۇرۋ كەرەك.  بۇكىل الەمدە ۇقساتىلعان ءونىم قىمبات تۇرادى. مەملەكەت ۇقساتۋشىلارعا ءاردايىم كومەكتەسەتىن بولادى. جاقسى  بيزنەس وكىلى  كۇتە تۇرىپ،  از-مۇز شىعىنداردى ازايتادى، ساسىن جاڭا نارىق تاۋىپ،  ساتا باستايدى.  بارلىق ەكسپورتتاۋشىلار ققس-نى قايتارادى،  ياعني ققس-مەن  ءوز ءونىمىن شەتەلگە ساتۋ ءتيىمدى. ءسويتىپ ولار ءققس-نى قايتارىپ الادى، ءسويتىپ باعا وسەدى. ءبۇل-تيىمدى»،-  دەدى قۇمار اقساقالوۆ.

تيميريازيەۆ اۋدانىنىڭ اكىمى ەركىن بازارحانوۆ ءوڭىر باسشىسىن الەۋمەتتىك-ەكونوميكالىق دامۋ جاعدايىمەن  تانىستىردى.

  «بيىلعى مينەرالدىق تىڭايتقىشتار جوسپارى – 5982 توننا. ءقازىر 6882 تونناعا كەلىسىم جاسالدى.  الداعى ناۋقاندا 196 مىڭ گەكتارعا - ءداندى، 39 مىڭ گەكتارعا – مايلى (ءوسىم 47 پايىز)، 28 مىڭ گەكتارعا – جەمازىقتىق داقىلدار سەبۋدى جوسپارلاپ وتىرمىز»،- دەدى اۋدان باسشىسى.

   ساپار بارىسىندا وبلىس اكىمى  تيميريازيەۆ اۋدانىنىڭ قايتا وڭدەۋ كاسىپورىندارىنىڭ باسشىلارىمەن، اۋىل شارۋاشىلىعى تاۋارلارىن وندىرۋشىلەرمەن جانە ارداگەرلەرمەن  كەزدەستى.  كەزدەسۋ كەزىندە اۋداننىڭ، سول سياقتى وبلىستىڭ دامۋ  بارىسى جايلى  ءسوز قوزعالدى.