«يتاليا ارۋى»  دجەسسيكا نوتاروعا  2017  جىلدىڭ اقپان ايىندا شابۋىل جاسالعان. اۋرۋحاناعا وتە اۋىر كۇيدە جەتكىزىلگەن سۇلۋدىڭ بەت-جۇزى كۇيىپ زاقىمدالعان. دارىگەرلەر قىزدىڭ  كوزىنە، كورۋ قابىلەتى زاقىم كەلۋى مۇمكىن دەگەن بولجام جاساعان.

الدىن-الا تەرگەۋدە  دجەسسيكاعا شابۋىلدى ەكس-جىگىتى جاساعانى بەلگىلى بولدى. مالىمەتتەر بويىنشا، ول قىزدى بىرنەشە رەت بوپسالاپ، قورقىتقان. بۇل تۋرالى قامشى اقپارات اگەنتتىگىتى life.ru-عا سىلتەمە جاساپ.

قازىرگى ۋاقىتتا قىزدىڭ ەكس-جىگىتىنە سوت پروسەسى ءجۇرىپ جاتىر.

دجەسسيكا حورحە تاۆارەسپەن وسىدان ءۇش جىل بۇرىن تانىسقان. سۇلۋدىڭ ايتۋى بويىنشا حورحە ۇلگى تۇتۋعا لايىقتى جىگىت بولعان.  الايدا ەكى جاس ايىرىلىسقان سوڭ، ول وزگەرىپ شىعا كەلگەن. جۇمىس ورنىن بىلەتىن بولعاندىقتان، قىزدى كۇتىپ الىپ اڭدىپ، ىزىنە تۇسكەن. دجەسسيكا جاڭا تانىسىنىڭ ۇيىنە كوشىپ بارعان كەزدە دە حورحە تاراپىنان قورقىتۋلار توقتاماعان.

«ول مەنىڭ ىزىمە ءتۇسىپ الدىم. كۇندە اڭدۋدى شىعاردى، بوپسالاپ، قورقىتاتىن. ءتىپتى وتىرىك  وز-وزىنە قول جۇمساپ مەنى قايتارماق بولدى. مەنىڭ ءۇيىمنىڭ الدىنا كەلىپ ارقانمەن اسىلىپ تۇرعان كەيىپ تانىتتى»- دەيدى زارداپ شەككەن ارۋ.

ەڭ سوراقىسى، حورحە سۇيىكتىسىن بەتىنە قىشقىل شاشامىن دەپ قورقىتقان. دەلفينارييدا جۇمىس ىستەيتىن جىگىتتىڭ كۇكىرت قىشقىلىنا  قولجەتىمدى بولعان.

اقىرىندا، پوليسەي قىزمەتكەرلەرىنە شاعىمدانعان يتاليا سۇلۋى ولاردان ەشقانداي جاردەم الماعان. پوليسيا حورحەگە قىزعا جاقىنداماۋعا تالاپ قويعان.

    ناتيجەسىندە، قاڭتار ايىندا دجەسسيكاعا شابۋىل جاسالدى. كولىككە وتىرا بەرگەندە ارتىنان الدەبىرەۋ كەلىپ قىشقىلدى بەتىنە شاشىپ جىبەرگەن.

     «مەن پلاستيكالىق بوتەلكەنىڭ مەنىڭ بەتىمە تيگەنىن سەزدىم. بەتىم ىسىپ كەتتى. تەرىم جانىم بارا جاستاقنداي سەزىمدە بولدىم. اپ-ساتتە كوزىم كورمەي قالدى. ءار وتكەن سەكۋند تا قىشقىل مەنىڭ بەت-الپەتىمدى جەپ بارا جاتقانىن سەزدىردى»- دەيدى قىز.

       دجەسسيكا: «ءتۇنى بويى دۇعادا بولدى. قۇدايدان تەك ءبىر نارسە سۇرادىم. سۇلۋلىقتى دا، ءبارىن الا بەرسىن، تەك كوزىم كورمەي قالاماسا ەكەن. اۋرۋحانادا قايتا قالپىنا كەلتىرۋ بولىمىنەن شىققان سوڭ ايناعا قارادىم. بەتىمنىڭ ءبىر جاعى-جاسىل، ەكىنشى جاعى- قوڭىر بولىپ تۇردى. كوزدەرىمە قارادىم دا بۇل ءالى دە مەن ەكەنمىن دەپ ويلادىم» دەيدى.

وزىنە كەلتىرىلگەن زالالدى تۇسىنە وتىرا دجەسسيكا حورحەنىڭ جازالانۋىن قالامايىنىن جەتكىزدى. ونىڭ سوزىنە قاراعاندا،  ءوزىنىڭ نە بۇلدىرگەنىن كورۋ حورحە ءۇشىن ەڭ اۋىر جازا بولماق.

بۇگىن يتاليا سۇلۋى اي سايىن  £600 دارىلەرگە جۇمسايدى. پلاستيكالىق وتا جاساۋ ءۇشىن قىزعا ءالى ءبىر جىل كۇتۋ كەرەك. كۇن كوزىنە شىعۋعا تىيىم سالىنعاندىقتان، دجەسسيكا ءار جارتى ساعات سايىن تەرىسىن دىمقىلداتادى. وسىعان قاراماستان، دجەسسيكا ءوزىنىڭ جاعدايىنا شۇكىرشىلىك ەتەدى. ءالى دە كوزىنىڭ كورەتىنىنە، ءان سالا الاتىنى ءۇشىن قۇدايعا ريزاشىلىعىن بىلدىرەدى.