ورتالىق ازيادا  جىل سايىن وتەتىن AdAsia التىنشى «كرەاتيۆتىلىك پەن شەبەرلىك رەيتينگىسىنىڭ» قورىتىندىسى شىعارىلدى. Cheil Kazakhstan  ايماقتاعى جىلدىڭ ەڭ ۇزدىك اگەنتى بولىپ تانىلدى دەپ حابارلايدى قامشى اقپاراتتىق اگەنتتىگى.

ءداستۇر بويىنشا رەيتينگكە قازاقستان، قىرعىزستان، وزبەكستان، تاجىكستان، تۇركمەنىستان جانە ءازىربايدجاننىڭ ۇزدىك اگەنتتىكتەرى قاتىسادى. جەڭىمپازداردى انىقتاۋ بارىسىندا ايماقتىق اگەنتتىكتەردىڭ 2016 جىلى حالىقارالىق جارناما فەستيۆالدارىنداعى ناتيجەلەرى ەسكەرىلىپ، جارناما اگەنتتىكتەرى،  برەندينگ جانە ديزاين-بيۋرو، digital مەن SMM-اگەنتتىكتەرى، سونداي-اق پروداكشن-ستۋديالارى جۇمىستارىنىڭ كرەاتيۆتىلىگى، ساپاسى جانە شەبەرلىكتەرى باعالاندى.

Cheil Kazakhstan حالىقارالىق فەستيۆالدارىندا ۇسىنعان ۇزدىك جۇمىستارى ءۇشىن العان  بەدەلدى ماراپاتتارىنىڭ ارقاسىندا 355 ۇپاي جينادى: Epica، White Square، كمفر، يدەيا، Red Jolbors. بۇل ناتيجە چەيلىكتەرگە ءوز قارسىلاستارىنان ەداۋىر ىلگەرى بولۋىنا سەپتىگىن تيگىزدى.  وتكەن جىلى ولار نەبارى 7 ورىندا بولسا، وسى جىلى  ءبىرىنشى اتاندى.

ەكىنشى ورىندى كمفر، AdStars، AdBlackSea، Red Jolborsتان العان ماراپاتتارى ءۇشىن 98 ۇپايمەن قازاقستاندىق GForce/Grey جەلىلىك اگەنتتىگى يەمدەندى.

ءۇشىنشى ورىن قىرعىزستاندىق Red Jolbors بايقاۋىندا جەڭىسى ءۇشىن 68 ۇپاي جيناعان FCB Almaty اگەنتتىگىنە بۇيىردى.

AdAsia مالىمەتى بويىنشا، بۇل جىلى ايماقتان تىسقارى ءوتىپ جاتقان حالىقارالىق جارناما فەستيۆالىندە تەك ءتورت اگەنتتىك جەڭىسكە قول جەتكىزدى  – Cheil Kazakhstan، GForce/Grey، Green Penguin Media (بارلىعى قازاقستاندىق) جانە USSO design (وزبەكستان). 2015 جىلى ورىن العان اگەنتتىكتەر  سانى 9 بولاتىن. قالعان اگەنتتىكتەر رەيتينگكە  Red Jolbors ايماقتىق فەستيۆالىندە العان جەڭىستەرى ارقاسىندا ىلىككەن بولاتىن (قىرعىزستان).

اعىمداعى جىلدىڭ  وندىعىندا ( توپ-10 ) قازاقستاننىڭ 7 اگەنتتىگى، قىرعىزستاننىڭ 4 اگەنتتىگى جانە وزبەكستاننىڭ 2 اگەنتتىگى كىردى. قىرعىزدىق اگەنتتىكتەر قازاقستاندىقتاردى اياقتان شالماق بولعانىمەن، سوڭعىلارى رەيتينگتە ۇشتىكتەر ورنىن (توپ-3)  ەشكىمگە بوساتا قويماس.