قازاقستان رەسپۋبليكاسى ىشكى ىستەر مينيسترلىگى توتەنشە جاعدايلار كوميتەتى سۋ تاسقىنى بويىنشا الدىن الۋ، قۇتقارۋ جۇمىستارىن جاساپ جاتىر دەپ حابارلايدى Qamshy.kz
قازىرگە دەيىن، اقتوبە وبلىسىندا ىلەك وزەنىندەگى سۋ دەڭگەيىنىڭ كوتەرىلۋى سالدارىنان «گوسسۆەتسەت»، «قارعالى» جانە «اقسۋات» باۋ-باقشا ۇجىمدارىندا ساياجاي ۇيلەرى مەن اۋلا اۋماقتارىن سۋ باستى. 300-گە جۋىق ادام ەۆاكۋاسيالاندى. 2 ورتا مەكتەپ بازاسىندا 12 ەۆاكۋاسيالاۋ پۋنكتى ورناتىلدى، وندا 53 ادام، ونىڭ ىشىندە 12 بالا بار، 248 ادام تۋىستارىنىڭ ۇيلەرىنە ورنالاستىرىلدى.
اۋلا-اۋلانى ارالاۋ جۇمىستارى جۇرگىزىلدى، ىلەك وزەنىنىڭ ەكى جاعالاۋىندا دا قۇلاقتاندىرۋ توپتارى جۇمىس جۇرگىزۋدە، قوعامدىق ءتارتىپ كۇزەتى قىزمەت كورسەتۋدە. الەۋمەتتىك جەلى، تەلەديدار ارقىلى حالىقتى قۇلاقتاندىرۋ جۇمىستارى، سمس-تاراتۋ جۇمىستارى دا جۇرگىزىلدى. باقىلاۋ بەكەتتەرى تۇرعىزىلدى.
سۋ تاسقىنىن جويۋعا تجك بولىمشەلەرىنەن، ۇلتتىق ۇلاننان، جەرگىلىكتى پوليسيا قىزمەتى مەن جەرگىلىكتى اتقارۋشى ورگاندارىنان 500-گە جۋىق ادام جانە 124 بىرلىك تەحنيكا جۇمىلدىرىلدى.
اقمولا وبلىسىنىڭ ارشالى اۋدانىندا جۇرگىزىلگەن سۋ تاسقىنىنا قارسى ءىس-شارالار بولسا، تۇرگەن اۋىلى مەن رازەزد 42 ستانسياسىندا تاسقىن سۋلاردىڭ ءوتۋىن باقىلاۋعا ءموبيلدى بەكەتتەر تۇرعىزىلدى.
جىبەك جولى اۋىلىندا 2 ەۆاكۋاسيالانعان ادامداردى قابىلداۋ پۋنكتى دايىندالدى، ولار 400 ادامعا ارنالعان نوۆوالەكساندروۆسكيي ورتا مەكتەبى جانە 2500 الماعا ارنالعان قۇتپان ۇلى اتىنداعى مەكتەپ. 5 اۆتوبۋس دايىندالدى.
گيدروتەحنيكالىق قۇرىلىسقا تاۋلىك بويى مونيتورينگ جۇرگىزىلۋدە. «بەزىمياننايا» بوگەتىنە 120 توننا ۇساق تاس جەتكىزىلدى.
ۆولگودونوۆكا اۋىلىندا ەسىل وزەنىندە قويىلعان بەلگىگە تاۋلىك بويى مونيتورينگ جۇرگىزىلۋدە.
رازەزد 42 ستانسياسىندا استانا سۋ قويماسىنان سۋدى اۆاريالىق اعىزۋ سالدارىنان 10 اۋلانى سۋ باستى. بوگەننىڭ تومەنگى جاعىندا قۇتقارۋشىلار قۇم سالىنعان قاپتار توسەدى. 22 ادام ەۆاكۋاسيالاندى.
توتەنشە جاعدايلار كوميتەتى 2017 جىلعى 17 ساۋىردە «حابار» تەلەارناسىنىڭ رەسمي سايتىندا «اقمولا وبلىسىنىڭ ساندىقتاۋ اۋدانىندا 700 استام ادام ەۆاكۋاسيالاندى» اتتى ماتەريال جاريالانعان.
اقمولا وبلىسى توتەنشە جاعدايلار دەپارتامەنتى اقمولا وبلىسى زەرەندى اۋدانى ايدابۇل اۋىلىندا بوگەتتىڭ جارىلعانى تۋرالى اقپاراتتى راستامايدى.
سونىمەن قاتار، ايدابول ا. بوگەتىندە سۋ دەڭگەيىنىڭ جوعارىلاۋىنا بايلانىستى، بوگەتتىڭ دەنەسى ارقىلى (بيىكتىگى 2 م سىني بەلگىلەرگە جەتتى) اسا باستاعانىن حابارلايمىز. قالىپتاسقان جاعدايعا بايلانىستى ايدابول ا. بوگەتىنىڭ جاعالاۋىندا ورنالاسقان 10 تۇرعىن ۇيلەردى سۋ باس ءقاۋىپى جانە بوگەتتىڭ دەنەسىن (بوگەتتىڭ 3 ۋچاستكەسىن شايۋى پايدا بولدى) شايىپ كەتۋ ءقاۋىپى تۋىندادى.
تۇرعىن ۇيلەردى سۋ باسۋىن جانە بوگەت دەنەسىن شايىپ كەتۋىن بولدىرماۋ ماقساتىندا، جەرگىلىكتى اتقارۋشى ورگاندارى جانە اۋداننىڭ توتەنشە جاعدايلار بولىمىمەن ەرىگەن قاردىڭ سۋىن ءتۇسىرۋ ءۇشىن، بوگەتتىڭ دەنەسىنە ارنا قازۋ شەشىمى قابىلداندى.
قاراعاندى وبلىسىندا دا تاسقىنمەن كۇرەس جۇمىستارى قارقىنمەن ءجۇرىپ، اپات-قۇتقارۋ جۇمىستارى جالعاسىپ جاتىر. وعان 1663 ادام، 555 تەحنيكا تارتىلىپ، بۇقار جىراۋ، قارقارالى، اباي، شەت جانە وساكاروۆ اۋداندارىنداعى جاعداي باقىلاۋعا الىنعان. ايتا كەتەيىك، قاراعاندى وبلىسىندا سۋ تاسقىنى باستالعالى 1453 ادام ءقاۋىپسىز جەرگە كوشىرىلدى. 24،4 شاقىرىمنان استام جەرگە ءۇيىندى جاسالدى، 10،5 كم جۋىق قورعايتىن بوگەتتەر مەن دۋالدار قويىلىپ، 1264،5 شارشى مەتر سۋ سورعىتىلدى.
سونداي-اق، 2017 جىلعى 14 ساۋىردە سولتۇستىك قازاقستان وبلىسى اكىمىنىڭ ورىنباسارى انتون فەديايەۆ، سولتۇستىك قازاقستان وبلىسى توتەنشە جاعدايلار دەپارتامەنتىنىڭ باستىعى ازاماتتىق قورعاۋ پولكوۆنيگى پاۆەل فيليپپوۆ سۋ تاسقىن جاعدايىنىڭ مونيتورينگى ماقساتىندا، كوكتەمگى سۋ تاسقىن جانە سۋ باسۋعا بەيىم وبلىستىڭ اۋماقتارىن ۇشىپ ارالاپ شىقتى.
بۇل ءىس-شاراعا سقو تجد باستىعىنىڭ ورىنباسارى ەرىك سارىبايەۆ، ەسىل اۋدانىنىڭ اكىمى مۇراتبەك ابىشيەۆ، تايىنشا اۋدانىنىڭ اكىمى ەرجان ءيمانىسليام دا قاتىستى.
