ءدال وسى كۇنى  1902 جىلدىڭ 18 ساۋىرىندە، ياعني وسىدان 114 جىل بۇرىن دانيادا العاش رەت ساۋساقتىڭ ءىزى ارقىلى قىلمىسكەردى انىقتاۋ (داكتيلوسكوپيا) جۇزەگە اسىرىلعان. بۇل تۋرالى قامشى اقپاراتتىق اگەنتتىگى حابارلايدى.

ال قىركۇيەك ايىنان باستاپ ۇلىبريتانيادا ءدال وسى ساۋساق ءىزى ارقىلى قىلمىسكەردىڭ ايىبىن انىقتاۋ دالەل رەتىندە قولدانىلا باستاعان.

بۇل يدەيا ۋيليام گەرشەل ەسىمدى اعىلشىندىق ازاماتقا تيەسىلى. ول العاش رەت ادامنىڭ الاقان تەرىلەرىنىڭ وزگەرىسكە ۇشارامايتىن، قالىپتى ەكەنىن ايتىپ گيپوتەزا جاساعان. ءۇندىستاندا پوليسيا قىزمەتكەرى بولىپ قىزمەت ەتكەن ول وسى سالادا ءبىرشاما ەڭبەك ەتىپ، زەرتتەۋلەر جۇرگىزگەن.

ال بۇگىندە ساۋساق ءىزى - اسا اۋىر ەمەس قىلمىستاردان اۋىر قىلمىستارعا دەيىن ايىپكەر نەمەسە كۇدىكتىنىڭ كىناسىن انىقتاۋداعى ەڭ نەگىزگى جانە ماڭىزدى دالەل رەتىندە قولدانىلىپ كەلەدى. سەبەبى كەز-كەلگەن  ادامنىڭ ساۋساق ىزدەرى ەشكىمگە ۇقسامايتىن ۋنيكالدى بولادى. وسى جاعىنان تەك ادامنىڭ كوز قاباتىنىڭ تورى عانا باسكەلەس بولا الادى. 

ساۋساق ىزدەرى ارقىلى ادامنىڭ جەكە-باس مالىمەتتەرى مەن جالپى مالىمەتتەردى ارنايى بازا ارقىلى تەكسەرۋگە بولادى. سوندىقتان  تەك ساۋساق ءىزى ارقىلى عانا ادامنىڭ جەكە-باسىنا انىقتاۋعا جول اشىلىپ وتىرعانىنا بيىل 114 جىل.