ورتالىق كوممۋنيكاسيالار قىزمەتىندە سۋ تاسقىنى كەزەڭىنىڭ ءوتۋى تۋرالى بريفينگ وتكىزىلدى دەپ حابارلايدى قامشى اقپاراتتىق اگەنتتىگى. ءىس-شاراعا قازاقستان رەسپۋبليكاسى ىشكى ىستەر ءمينيسترىنىڭ ورىنباسارى يۋريي يلين قاتىستى. ءمينيستردىڭ ورىنباسارى قازاقستاننىڭ ورتالىق جانە سولتۇستىك وڭىرلەرىندە سۋ تاسقىنى 11 ساۋىردەن باستاپ بەلەڭ الاتىنىن اتاپ ءوتتى.

«ءبىرقاتار وڭىرلەردە جاۋىن-شاشىن بولدى، سونىڭ سالدارىنان وزەندەر تولىپ، سۋى ارناسىنان استى، ەلدى مەكەندەردى سۋ باسۋ ءقاۋپى تۋدى، اقمولا، اقتوبە، شىعىس قازاقستان، قاراعاندى، قوستاناي، پاۆلودار جانە سولتۇستىك قازاقستان وبلىستارىندا جولداردى سۋ شايدى. ادامداردىڭ قازا بولۋىنا جول بەرمەۋ ماقساتىندا سۋ استىندا قالعان ايماقتارداعى ەلدى مەكەندەردەن الدىن الا 4 715 ادام ەۆاكۋاسيالاندى، ولار اقمولا (1340)، شىعىس قازاقستان (52)، جامبىل (55)، قاراعاندى (1850)، قوستاناي (200)، اقتوبە (1174)، سولتۇستىك قازاقستان وبلىستارىندا (44). سونىڭ ىشىندە 17 ساۋىردەگى جاعداي بويىنشا 860 ادام ۇيلەرىنە ورالدى، 3167 ادام تۋىستارىنىڭ ۇيلەرىنە ورنالاستىرىلدى، قالعان 688 ادام ەۆاكۋاسيالاۋ پۋنكتىندە قالدى. ەلدى مەكەندەردەن 5 598 باس اۋىل شارۋاشىلىق جانۋارلارى ءقاۋىپسىز جەرگە ايدالدى، سونىڭ ىشىندە 2 195ء-ى اۋلالارىنا قايتارىلدى. قازىرگى ۋاقىتتا توتەنشە جاعدايلار ايماقتارىندا 1 987 قۇتقارۋشى، ۇلتتىق ۇلاننىڭ اسكەري قىزمەتشىلەرى، جەرگىلىكتى اتقارۋشى ورگاندار مەن جەرگىلىكتى پوليسيا قىزمەتكەرلەرى، 605 بىرلىك تەحنيكا اۆاريالىق-قۇتقارۋ جانە شۇعىل جۇمىستاردى جۇرگىزۋدە. سۋ تاسقىنى كەزەڭىنىڭ باسىنان بەرى ءىىم بولىمشەلەرى مەن جەرگىلىكتى اتقارۋشى ورگاندار 22 شاقىرىم ۋاقىتشا بوگەن تۇرعىزدى، 119 مىڭنان استام قاپقا قۇم سالىندى جانە توسەلدى، 643 مىڭنان استام تەكشە مەتر ەرىگەن قار سۋى سورىلدى. تج ءقاۋپى مەن ولاردىڭ تۋىنداۋىنا جەدەل دەن قويۋ ماقساتىندا ءىىم سۋ تاسقىنى كۇردەلەنە تۇسكەن جاعدايعا  الدىن الا  12 471 ادام، 1 955 بىرلىك تەحنيكا، 19 تىكشاق، 302 بىرلىك ءجۇزۋ قۇرالى بار كۇشتەر مەن قۇرالدار توپتارى قۇرىلدى. حالىقتى ەۆاكۋاسيالاۋعا 1707-دەن استام حالىقتى قابىلداۋ پۋنكتى دايىندالدى. بارلىق وڭىرلەردە توتەنشە جاعدايلاردى جويۋ كەزىندەگى ءىس-قيمىلدار جوسپارلارى ازىرلەندى، سۋ تاسقىنى كەزەڭىندەگى ءوزارا ءىس-قيمىلدار جوسپارلارى تۇزەتىلدى. توتەنشە جاعدايلار كوميتەتىندە جانە ونىڭ 6 اۋماقتىق بولىمشەسىندە سۋ تاسقىنىن جويۋ جەدەل شتابتارى قۇرىلدى، ولار تاۋلىك بويى قىزمەت اتقارادى» دەدى ۆيسە-مينيستر.

جۇرگىزىلگەن تالداۋعا سايكەس، اقمولا، قاراعاندى جانە جامبىل وبلىستارىنداعى سۋ قويمالارىنا تاسقىن جانە ەرىگەن قار سۋى تولاسسىز اعىپ كەلۋىنە بايلانىستى اعىزاتىن سۋدىڭ مولشەرىن ءسال قوسۋ قاجەت بولۋى سالدارىنان ەلدى مەكەندەر مەن اۆتوجولداردى سۋ باسقان بولاتىن. اتالعان جاعدايعا بايلانىستى ءىىم توتەنشە جاعدايلار كوميتەتىنىڭ «قازاۆياقۇتقارۋ» اق تىكۇشاعىن قولدانا وتىرىپ، استانا قالاسىنىڭ، اقمولا، شىعىس قازاقستان، قاراعاندى، قىزىلوردا، قوستاناي، پاۆلودار جانە سولتۇستىك قازاقستان وبلىستارىنىڭ اۋماعىن اۋەدەن بارلاۋ جۇمىستارى جۇرگىزىلگەن.

 «اقمولا، قوستاناي، اقتوبە، قاراعاندى، سولتۇستىك قازاقستان وبلىستارىنىڭ تج دەپارتامەنتتەرىندە  «قاۋىرت جەلى» تەلەفوندارى جۇمىس ىستەيدى، ولار بويىنشا حالىق قاجەتتى اقپاراتتى الا الادى. قالىپتاسقان جاعدايدى ەسەپكە الا وتىرىپ، قاراعاندى وبلىسىنىڭ 2 اۋدانىنىڭ (بۇقار جىراۋ جانە اباي اۋداندارى) جانە 1 قالا (اقتوبە قالاسى) اكىمدەرى ولاردىڭ اۋماقتارىندا تابيعي سيپاتتاعى توتەنشە جاعدايلار تۋىنداعانى تۋرالى جاريالادى. وزەندەردەگى سۋ دەڭگەيىنە تاۋلىك بويى مونيتورينگ جۇرگىزىلۋدە جانە حالىقپەن جيىندار وتكىزىلۋدە، ولارعا قالىپتاسقان جاعداي تۋرالى اقپاراتتار بەرىلدى. الەۋمەتتىك جەلىلەر، تەلەديدار ارقىلى حالىقتى قۇلاقتاندىرۋ  ۇيىمداستىرىلدى، سمس-تاراتۋ، اۋلا-اۋلانى ارالاۋ جۇمىستارى جۇرگىزىلدى. ورتالىق جانە سولتۇستىك وڭىرلەردە سۋ تاسقىنى كەزەڭىنىڭ ءقاۋىپسىز ءوتۋىن جانە ولاردان كەلەتىن تەرىس سالداردى ازايتۋدى قامتاماسىز ەتۋ جۇمىستارى جالعاسۋدا» دەدى ول.

ق ر ءىىم سۋ تاسقىنى كەزەڭىنىڭ ءوتۋى تۋرالى باياندادى

11 ساۋىردەن باستاپ، قازاقستاننىڭ ورتالىق جانە سولتۇستىك وڭىرلەرىندە سۋ تاسقىنى بەلەڭ الا باستادى. قاتتى جاۋىن-شاشىن مەن ەرىگەن قار سۋىنىڭ سالدارىنان وزەندەر تولىپ، ارناسىنان استى. بارلىق وڭىرلەردە سۋ تاسقىنى كەزەڭىندەگى ءوزارا ءىس-قيمىلدار جوسپارىنا جاعدايعا ساكەس وزگەرتۋلەر ەنگىزىلدى. بۇل تۋرالى ورتالىق كوممۋنيكاسيالار قىزمەتىندە قازاقستان رەسپۋبليكاسى ىشكى ىستەر ءمينيسترىنىڭ ورىنباسارى يۋريي يلين ءمالىم ەتتى.

ادام شىعىنىنا جول بەرمەۋ ماقساتىندا سۋ استىندا قالعان ايماقتارداعى ەلدى مەكەندەردەن الدىن الا 4 715 ادام ەۆاكۋاسيالاندى. ونىڭ ىشىنەن 17 ساۋىردەگى جاعداي بويىنشا، 860 ادام ۇيلەرىنە ورالدى، 3167 ادام تۋىستارىنىڭ ۇيلەرىنە ورنالاستىرىلدى، قالعان 688 ادام ەۆاكۋاسيالاۋ پۋنكتىندە قالدى.

ەلدى مەكەندەردەن 5 598 باس اۋىل شارۋاشىلىق جانۋارلارى ءقاۋىپسىز جەرگە ايدالدى، سونىڭ ىشىندە 2 195ء-ى اۋلالارىنا قايتارىلدى.

سپيكەردىڭ ايتۋىنشا، قازىرگى ۋاقىتتا توتەنشە جاعدايلار ايماقتارىندا 1 987 قۇتقارۋشى، ۇلتتىق ۇلاننىڭ اسكەري قىزمەتشىلەرى، جەرگىلىكتى اتقارۋشى ورگاندار مەن جەرگىلىكتى پوليسيا قىزمەتكەرلەرى، 605 بىرلىك تەحنيكا اۆاريالىق-قۇتقارۋ جانە شۇعىل جۇمىستاردى جۇرگىزۋدە. 

توتەنشە جاعدايلار كوميتەتىندە جانە ونىڭ 6 اۋماقتىق بولىمشەسىندە سۋ تاسقىنىن جويۋ جەدەل شتابتارى قۇرىلدى، ولار تاۋلىك بويى قىزمەت اتقارادى.

سۋ تاسقىنى كەزەڭىنىڭ باسىنان بەرى ءىىم بولىمشەلەرى مەن جەرگىلىكتى اتقارۋشى ورگاندار 22 شاقىرىم ۋاقىتشا بوگەن تۇرعىزدى، 119 مىڭنان استام قاپقا قۇم سالىندى جانە توسەلدى، 643 مىڭنان استام تەكشە مەتر ەرىگەن قار سۋى سورىلدى.

تج ءقاۋپى مەن ولاردىڭ تۋىنداۋىنا جەدەل دەن قويۋ ماقساتىندا ءىىم سۋ تاسقىنى كۇردەلەنە تۇسكەن جاعدايعا  الدىن الا  12 471 ادام، 1 955 بىرلىك تەحنيكا، 19 تىكشاق، 302 بىرلىك ءجۇزۋ قۇرالى بار كۇشتەر مەن قۇرالدار توپتارى قۇرىلدى.

سونداي-اق، حالىقتى ەۆاكۋاسيالاۋعا جەرگىلىكتى ورگانداردىڭ كۇشىمەن 1707-دەن استام قابىلداۋ پۋنكتى دايىندالدى.

بۇگىنگى تاڭدا سۋ تاسقىنى ءقاۋپى سەيىلمەگەن بارلىق وڭىرلەردە وزەن سۋىنىڭ دەڭگەيىنە تاۋلىك بويى مونيتورينگ جۇرگىزىلۋدە.

ايتا كەتەيىك، حالىقتى قۇلاقتاندىرۋ جۇمىستارى الەۋمەتتىك جەلى، تەلەديدار، سمس-تاراتۋ، اۋلا-اۋلانى ارالاۋ ارقىلى ۇيىمداستىرىلعان بولاتىن.

ورتالىق جانە سولتۇستىك وڭىرلەردە سۋ تاسقىنى كەزەڭىنىڭ ءقاۋىپسىز ءوتۋىن جانە ولاردان كەلەتىن تەرىس سالداردى ازايتۋ ماقساتىندا قىرقىندى جۇمىستار جالعاسۋدا.