ق ر مادەنيەت جانە سپورت ءمينيسترى ارىستانبەك مۇحامەدي ۇلى قازاقستاندىقتاردىڭ جىلدىڭ سالقىن مەزگىلدەرىندە دە زووباقتار مەن بوتانيكا باعىنا باراتىنداي جاسايتىنىنا ۋادە بەردى دەپ حابارلايدى قامشى اا informburo.kz-كە سىلتەمە جاساپ.

مينيستر ۇكىمەت وتىرىسىندا ۆەدومستۆو دىتتەگەن ماقساتىنا نەلىكتەن جەتە الماعانىن ءتۇسىندىرىپ بەردى.

«تۋريزم سالاسىندا ەڭ ىڭعايلى مەزگىل – جاز بەن كۇز. جىلدىڭ سوڭىندا بارلىق كورسەتكىشكە يە بولامىز. تەاتر، مۋزەي، بوتانيكالىق ب ا ق جانە ت.ب. دەمالىس ورىندارىنا بارۋ كورسەتكىشى بويىنشا تومەن بولىپ تۇر. سەبەبى قاڭتار، اقپان، ناۋرىز ايلارىندا اتتراكسيوندارعا بارا المايمىز. وتە سۋىق. ونىڭ ىشىندە زووباقتار، بوتانيكالىق باققا قاڭتار ايىندا بارۋ قيىنعا سوعادى» دەدى ارىستانبەك مۇحامەدي ۇلى.

«جازدا ىستىق، قىستا سۋىق. ەندى نە ىستەيمىز؟» دەپ ۇكىمەت باسشىسى ءمينيستردىڭ ءسوزىن ءبولدى.

«ءبىز ارينە قىستا زووباقتارعا، بوتانيكالىق باققا بارۋعا تىرىسامىز. الايدا وتە قيىن» دەپ جاۋاپ بەردى مينيستر.

ارىستانبەك مۇحامەدي ۇلىنىڭ مۇنداي اقتالۋىن ەستىگەن زالدا وتىرعاندار كۇلكىسىن تىيا المادى. ۇكىمەت باسشىسى دا ەزۋ تارتتى.

«كۇلەمىز. الايدا جۇمىس ىستەۋ كەرەك. قۇرمەتتى مينيسترلەر، 24 ينديكاتور بويىنشا 9-ى دىتتەگەن مەجەسىنە جەتپەدى. ءبىز مۇنداي كورسەتكىشتى العاش قابىلداپ وتىرمىز جانە ۇزاق ۋاقىتقا دەيىن ونى قابىلداي المايمىز.   جۇمىس ىستەڭدەر. ناتيجە كورسەتىڭدەر!» دەپ مينيسترلەر كابينەتىنە ەسكەرتۋ جاسادى باقىتجان ساعىنتايەۆ.

ونىمەن قوسا، بارلىق ماقساتتى ينديكاتورعا قول جەتكىزگەن جاعدايدا قازاقستان ەكونوميكاسى 0،55% جوعارىلاۋى مۇمكىن ەكەنىن ايتتى.

ماقساتتى كورسەتكىشكە تەك مادەنيەت مينيسترلىگى عانا ەمەس باسقا دا ۆەدومستۆولار جەتپەگەن. قازاقستاننىڭ پرەمەر-مينيسترى مينيسترلەر كابينەتىن سىنعا الدى.