پەتەربور مەتروسىنداعى جارىلىستى ۇيىمداستىرۋعا قاتىسى بار دەپ تۇتقىندالعان ابرور ازيموۆ ءوزىنىڭ بۇل ىسكە قاتىسى جوق ەكەنىن مالىمدەدى. ازيموۆتىڭ مالىمدەمەسى ءوزىنىڭ قورعاۋشىسىنىڭ سوزىنە سايكەس كەلمەيدى. كۇدىكتىنىڭ قورعاۋشىسى سوت الدىنداعى تىلشىلەرگە بەرگەن سۇحباتىندا ءوزىنىڭ قورعالۋشىسىنىڭ كىناسىن مويىندايتىنىن جەتكىزگەن بولاتىن.

ازيموۆ سوتتا: «مەنىڭ بۇل ىسكە تىكەلەي قاتىسىم جوق. مەن ءوزىمنىڭ قالاي كومەكتەسكەنىمدى بايقامادىم»، - دەدى.

 ۆاگونعا جارىلعىش زات الىپ كىرگەن جانكەشتى اكبارجون ءدجاليلوۆتىڭ دايىندىعىنا كومەكتەسكەن دەگەن كۇدىكپەن ابرور ازيموۆ 17ء-ساۋىر كۇنى تۇتقىندالعان بولاتىن. ازيموۆ 1990 جىلى قىرعىزستاندا دۇنيەگە كەلگەن، قازىرگى ساتتە رەسەي ازاماتى. كۇدىكتى ءوز ءبىلىمى جايلى جەتى سىنىپ بىتىرگەنىن ايتتى.

ايتا كەتەتىنى، قازىرگى ساتتە پەتەربور مەتروسىنداعى لاڭكەستىك ارەكەتكە قاتىسى بار دەپ تانىلعان 8 كۇدىكتىنىڭ بارلىعى قولعا ءتۇستى.