كونستيتۋسياعا قاتىستى رەفەرەندۋم ناتيجەسى جايلى العاشقى پىكىرلەر ايتىلا باستادى دەپ حابارلايدى قامشى اا www.haberdar.com-عا سىلتەمە جاساي وتىرىپ.
فرانسيا پرەزيدەنتى فرانسۋا وللاندتىڭ اكىمشىلىگىنەن جاسالعان تۇسىندىرمەدە «تۇركياداعى رەفەرەندۋم ناتيجەلەرى تۇرىك قوعامىنىڭ جوسپارلانعان رەفورمالار ماسەلەسىندە بولىنگەنىن بايقاتتى» دەلىندى. سونىمەن قاتار، مالىمدەمەدە پرەزيدەنت تايىپ ەردوعاننىڭ سوڭعى ۋاقىتتا ءجيى تىلگە تيەك ەتە باستاعان «ءولىم جازاسىن ەنگىزۋگە رەفەرەندۋم وتكىزۋ» ماسەلەسىنە دە توقتالدى. وللاند بۇنداي رەفەرەندۋمنان كەيىن تۇركيانىڭ ەۋروپالىق كەڭەستىڭ مۇشەسى رەتىندە قابىلداعان قۇندىلىقتار مەن مىندەتتەمەلەردەن الىستايتىنىن ايتقان.
ەۋروپا كولەمىندە ادام قۇقىقتارى، دەموكراتيانىڭ جوعارى تۇرۋىن قورعاۋ ماقساتىندا قۇرىلعان ءارى ەۋروپالىق ادام قۇقىقتارى سوتى دا قارايتىن ەۋروپالىق كەڭەسكە تۇركيا مەملەكەتى 1949 جىلدان بەرى مۇشە.
پىكىر قالدىرۋ