WBO Intercontinental جانە WBA Fedelatin تيتۋلدارىن يەمدەنگەن ورتا سالماقتاعى قازاقستاندىق بوكسشى قانات يسلام ءوزىنىڭ الدىعى ماقساتىمەن ءبولىستى، دەپ جازادى قامشى اقپاراتتىق اگەنتتىگى.

«مەن مىقتى قارسىلاستارمەن جەكپە-جەككە شىعۋدى قالايمىن.  كەز كەلگەن چەمپيونمەن جۇدىرىقتاسۋعا دايىنمىن. بوكسپەن اينالىسقانىما 25 جىل بولدى. وليمپيادا ويىندارىنا ەكى مارتە قاتىسىپ قولا مەدال الدىم، سونداي-اق اۋەسقويلىق دەڭگەيدەگى الەم چەمپيوناتىندا جەڭىسكە جەتتىم. ءقازىر جاس بوكسشى ەمەسپىن. پروفەسسيونالدى بوكستاعى 5 جىلىم الەم چەمپيوناتىنداعى تيتۋلعا تالاسۋ ءۇشىن جەتىپ جاتىر.

مەن «كانەلو»، كوتتو، لارو جانە پاكياومەن جۇدىرىقتاسقىم كەلەدى. بۇل مەنىڭ ارمانىم ەمەس، ماقساتىم. بۇگىنگى كۇنى ماقساتىما جەتۋ ءۇشىن تالماي-تىنباي جاتتىعىپ ءجۇرمىن جانە بۇل بوكسشىلاردى ەرەكشە قادىرلەيمىن، سەبەبى مىڭداعان بوكسشىلاردىڭ اراسىندا الەم چەمپيونى اتانۋ وڭاي شارۋا ەمەس. ءوز مەملەكتەىنىڭ ابىرويى ءۇشىن تەر توككەن ءار ازاماتتى سىيلايمىن. ولاردىڭ ءبىرى ءدال مەن سەكىلدى ادام عوي» دەدى قانات يسلام  Worldboxingnews.net تىلشىسىنە بەرگەن سۇحباتىندا.

وسىدان بۇرىن بوكسشى ءوزىنىڭ كەلەسى جەكپە-جەگى اقش-تا مامىر ايىندا وتەتىنىن ايتقان.

ەسكە سالا كەتەيىك، سوڭعى رەت 18 اقپاندا ۋيلمينگتون قالاسىندا قانات يسلام برازيليالىق روبسون اسسيسپەن كەزدەسىپ، روبسوندى نوكاۋتپەن جەڭگەن. سول كەزدىڭ وزىندە رەسەي كلمەنتاتورى قاناتتىڭ «كانەلو»، لارا سىندى بوكسشىلارمەن جۇدىرىقتاساتىن دارەجەگە جەتكەنىن ايتقان.