استانا ىرگەسىندەگى قوسشى اۋىلىن سۋ باسۋى مۇمكىن دەپ حابارلايدى قامشى اا «استانا» ارناسىندا شىققان ەلدوس ساپارعاليدىڭ سيۋجەتىنە سىلتەمە جاساي وتىرىپ. بۇل سينوپتيكتەردىڭ بولجامى.
«استانا» تەلەارناسىنا بەرگەن سۇحباتىندا گيدرولوگيا دەپارتامەنتىنىڭ ديرەكتورى ديدار جانىبەك ۇلى وسىنداي مالىمدەمە جاسادى. ال وڭىرلەردە قىزىل سۋدان زادراپ شەككەن تۇرعىندار جاپپاي ءقاۋىپسىز ايماققا كوشىرىلۋدە.
ديدار جانىبەك ۇلى، رمك «قازگيدرومەت» گيدرولوگيا دەپارتامەنتىنىڭ ديرەكتورى: قوسشىعا ءقاۋىپ ءتونىپ تۇر. استاناعا جەتپەي، نۇرا وزەنى ارناسىنان شىعۋى مۇمكىن. بارلىعى قاراعاندىداعى سۋ قويماسىنىڭ جۇمىس تارتىبىنە بايلانىستى. وعان قوسا نۇراعا قوسشىعا دەيىن ورتا جولدان قوسىمشا ەرىگەن قار سۋلارى قوسىلۋى مۇمكىن. بۇگىن اقمولا وبلىسىنا پاۆلوداردان قوسىمشا كۇش تارتىلعان. ولار اپاتتىڭ الدىن الۋعا ات سالىسپاق. ال اتباساردا جارىلعان دامبانىڭ جىرى ءالى بىتكەن جوق. اۋدان اكىمى ىشكى ىستەر ۆيسە-مينيسترى يليا ءيليننىڭ اقپاراتىن جوققا شىعاردى. 200 ميلليونعا سالىنعانى دامبا ەمەس، توپىراقتان جاسالعان بوگەت. ال جۇمسالعان قارجى 150 ميلليون ەكەنىن مالىمدەدى.
اندرەي نيكيشيەۆ، اتباسار اۋدانىنىڭ اكىمى: يلين، ونداي مالىمدەمە جاساماس بۇرىن، بۇل دامبانى ءوزى كوزىمەن كورۋ كەرەك ەدى. 2016 جىلى سۋدان قورعانۋ ءۇشىن بەس مەترلىك توپىراق ءۇيىلدى. وعان 63 ميلليون جۇمسالعان بولاتىن. وتكەن جىلعى تاسقىننىڭ سالدارىن جويۋ ءۇشىن 23 ميلليون ءبولىندى. سول 8 شاقىرىمدىق بوگەتتى نىعىزداپ، بەكىتۋ ءۇشىن 95 ميلليون تەڭگە جۇمسالدى. جوبالىق سمەتالىق قۇجاتتا "دامبا" دەپ كورسەتىلمەگەن. ال قوستاناي وبلىسىندا تاسقىن كەزىندە 3 ادام قازا بولدى دەگەن اقپاراتتى رەسمي ورگاندار راستامادى. ءقازىر ايماقتا ەكى بىردەي كوميسسيا قۇرىلعان. بۇزىلعان ۇيلەر مەن قىرىلعان مالدىڭ شىعىنىن جەرگىلىكتى بيلىك وتەمەك.
سەرگەي كارپليۋك، قوستاناي وبلىسى اكىمىنىڭ ورىنباسارى: وبلىس اكىمى تاسقىن كەزىندە قىرىلعان ءتورت تۇلىكتىڭ وتەماقىسىن تولەۋ تۋرالى شەشىم شىعاردى. قىرىلعان مال مەن قيراعان ۇيلەردىڭ شىعىنىن ەسەپتەۋ ءۇشىن 2 كوميسسيا قۇرىلدى. وسى جۇمىس توپتارى تاسقىنان كەلگەن شىعىندى تۇگەل انىقتايتىن بولادى. قازىرگى مالىمەتكە سايكەس، تەك قاراسۋ اۋدانى بويىنشا 47 ءۇيدى قىزىل سۋ باسقان. ەگەر اۋىل تۇرعىنى ءۇيىمدى جوندەيمىن دەسە، اقشا بەرىلەدى. باسقا باسپانا العىسى كەلەتىندەرگە دە قاراجات قاراستىرىلىپ وتىر. بۇگىندە ورالدىقتار دا تاسقىن سۋعا قالماۋعا قامدانىپ جاتىر. رەسەي سۋ قويماسىنان كەلە جاتقان سۋ جايىق ارناسىن 7 مەترگە كوتەرۋى مۇمكىن. سوندىقتان ساياجاي تۇرعىندارى كوشىپ الەك. 48 پانالاۋ بەكەتى اشىلىپ، جۇرت باعالى دۇنيەلەرىن تاسىپ جاتىر. قالعان دۇنيە-مۇلىكتەرىنە كۇزەت قويىلماق. بيلىك وكىلدەرى يت-مىسىقتى دا قامقورلىقتارىنا الۋعا ۋادە بەردى.
ناريمان تورەعالييەۆا، ورال قالاسىنىڭ اكىمى: ساقتىقتا قورلىق جوق دەيدى، سوندىقتان ءبارىمىز ساق بولۋىمىز كەرەك. ۇرلىقتان قورىقپاڭىزدار. تاۋىقتاردى، مىنا كورشى پودستەپنىيدا تانىستارىڭىز بولسا، سول جەرگە. ەگەر ناعىز جوق بولسا، ءبىز ءقازىر ءبىر شارۋا قوجالىعىمەن كەلىسىپ جاتىرمىز، ەگەر مالى بار كىسى بولسا، سوعان ءبىز ۋاقىتشا اپارىپ قويا الامىز. ءقازىر قاراعاندى، اقمولا، سولتۇستىك قازاقستان، قوستاناي، پاۆلودار، اقتوبە جانە شىعىس قازاقستان وبلىستارىندا 52 اۋىلدى سۋ باسقان. توپان سۋ 120 جولدى شايىپ، ءقازىر جارتىسى قالپىنا كەلتىرىلگەن.
پىكىر قالدىرۋ