زيمبابۆەدە توتەنشە جاعداي بولدى. ەكى قولتىراۋىننان ادام دەنەسىنىڭ قالدىقتارى تابىلعان. ول جوعالىپ كەتكەن كاسىبي اڭشى سكوتت ۆان زيل بولۋى مۇمكىن. ەر ادام وتكەن اپتادا ءىزتۇسسىز جوعالىپ كەتكەن دەپ حابارلايدى قامشى اا strana.ua-عا سىلتەمە جاساپ.

اڭشى ارىپتەسىمەن جانە بىرنەشە يتپەن اڭشىلىققا كولىكپەن بارعان. ولار ءبىر ۋاقىتتا ەكى جاقا كەتكەن. سودان بەرى ۆان زيلانى ەشكىم كورمەگەن. يتتەر  لاگەرگە ورالعان. ال اڭشىنىڭ كيىمدەرى كولىكتە قالعان.

قۇتقارۋشىلار مەن سۇڭگۋىرلەر ىزدەستىرۋ جۇمىستارىن جۇرگىزدى. تىكۇشاقپەن دە ۆان زيلانى ىزدەستىرگەن. ليمپوپا وزەنىنىڭ جاعاسىنان ۆان زيلانىڭ سومكەسىن تاپقان. وزەنگە جاقىن جەردە جۇرگەن ەكى قولتىراۋىندى قۇتقارۋشىلار ءولتىرىپ، ىشىنەن ادام دەنەسىنە ۇقساس قالدىقتاردى تاپتى.

تابىلعان دەنە قالدىقتارى ۆان زيلانىكى مە الدە باسقاعا تيەسىلى مە سونى انىقتاۋ ءۇشىن ءقازىر مەديسينالىق ساراپتاما جۇرگىزىلىپ جاتىر.