پەتروپاۆلدا ۇلەسكەرلەردىڭ ءۇيى رەسەي پرەزيدەنتىنىڭ كەسىرىنەن سالىنبايتىن بولعان دەپ حابارلايدى قامشى اقپاراتتىق اگەنتتىگى ktk.kz-كە سىلتەمە جاساپ. قۇرىلىستى سوزبالاڭعا سالعان فيرما وكىلدەرى وسىلاي دەپ ءۋاج ايتتى. ياعني بۇل كومپانيا وتكەن جىلى قىزىلجاردا جوسپارلانعان قازاقستان مەن رەسەيدىڭ شەكارالاس ايماقتارى فورۋمىنىڭ استاناعا اۋىسقانىنان زارداپ شەككەن كورىنەدى. بىلتىردان بەرى قۇرىلىسشىلارعا تىنىشتىق بەرمەگەن اكىمدىك ەندى ءۇي تۇرعان جەردى كۇشتەپ تارتىپ الماق. ال ەكى ورتادا ۇلەسكەرلەر باسپانادان دا، اقشادان دا ايىرىلىپ وتىر.

«كانسام» قۇرىلىس فيرماسىنىڭ وكىلى ماحاببات ەسەنبايەۆانى قورشاپ تۇرعان مىنا جۇرت – وسى ءۇيدىڭ ۇلەسكەرلەرى. ادەتتە توبە كورسەتپەيتىن ونى بۇگىن قالا اكىمى شاقىرتىپ، حالىقپەن سويلەسۋگە مىندەتتەپتى. ايتۋىنشا، ءۇيدىڭ دەر كەزىندە سالىنباۋىنا اناۋ-مىناۋ ەمەس، ءپۋتيننىڭ ءوزى كىنالى. ياعني بىلتىر جازدا پەتروپاۆلدا ەكى ەلدىڭ شەكارالاس ايماقتارىنىڭ فورۋمى ءوتۋى ءتيىس ەدى. وعان دەيىن قالانىڭ كىرە بەرىسىندەگى بۇل عيمارات سالىنىپ ءبىتۋى كەرەك ەكەن. ءبىراق ساياسي شارا استانادا وتەتىن بوپ قالعان.    

ماحاببات ەسەنبايەۆا، قۇرىلىس فيرماسىنىڭ وكىلى:

-كەيىن سامميت وتپەيتىن بولىپ، پۋتين كەلمەي قالدى. سودان باستاپ اكىمدىك ءبىزدى بۇل جەردەن كەتىرۋ ءۇشىن ءبارىن ىستەدى. قايتا-قايتا تەكسەرۋ جىبەرىپ، مۇرشا دا بەرگەن جوق. اقىر سوڭىندا قۇرىلىسقا بەرگەن رۇقساتىنىڭ كۇشىن جويىپ، جەردى مەملەكەت مەنشىگىنە الۋ تۋرالى شەشىم شىعاردى.

ال اكىمدىكتەگىلەر قۇرىلىستى سوزبالاڭعا سالعان فيرمانىڭ ءوزىن ايىپتاپ وتىر. ەگەر ءۇي ۋاقىتىلى، ياعني بىلتىر جازدا بەرىلگەندە، وعان ەشكىم تيىسپەۋشى ەدى. ءارى قاڭىراپ تۇرعان عيمارات قالانىڭ ءسانىن كەتىرەدى دەيدى ولار.

-قالانىڭ باس جوسپارى بويىنشا بۇل جەردە 9 قاباتتى ءۇي بولادى. ونىڭ قۇرىلىسى بىر-ەكى ايدا باستالماق. قۇرىلىسشىلار تولىعىمەن بۇل عيماراتتى بۇزىپ، قايتا سالامىز دەپ وتىر. ويتكەنى ونىڭ ىرگەتاسى تەك ءۇش قاباتقا عانا ەسەپتەلگەن ەكەن.

ال بارلىعى 50 ميلليون تەڭگەسىن قۇرىلىسشىلارعا ۇستاتا سالعان 11 ۇلەسكەردىڭ جاعدايىن ەندى سوت شەشپەك. بۇل ىسكە قاتىستى تەرگەۋ امالدارى دا باستالىپتى. ۇلەسكەرلەردىڭ ەندىگى ءۇمىتى تەك اكىمدىكتە.

دينارا راقىمجانوۆا، پەتروپاۆل قالالىق اكىمدىگى ىشكى ساياسات ءبولىمىنىڭ باسشىسى:

ء-قازىر كەلىسىم كوميسسياسى قۇرىلدى. وسىنداعى قۇرىلىس ماتەريالدارىنىڭ، جەردىڭ قۇنى ەسەپتەلىپ، فيرمانىڭ  اتىنا اقشا اۋدارىلاتىن بولادى. ويتكەنى زاڭ بويىنشا ولار وسى جەردىڭ يەلەرى. ءوز رەتىندە بۇل فيرما ۇلەسكەرلەرمەن ەسەپتەسۋى ءتيىس.

سونىمەن 11 ۇلەسكەردىڭ پاتەرسىز قالاتىنى انىق. اكىمدىك فيرماعا قانشا اقشا اۋدارادى، ونىڭ سوماسى جاپا شەككەن جۇرتتىڭ بارىنە جەتە مە، ول اراسى ازىرگە بەلگىسىز. ويتكەنى جۇرت ەكى رەت سوتتالعان فيرما باسشىسىنا اسا سەنىڭكەرمەي دە وتىر.