«تۇرعىن ءۇي قۇرىلىس جيناق بانكى» مەن استانا قالاسىنىڭ اكىمدىگى جاستاردى باسپانامەن قامتۋدىڭ جاڭا باعدارلاماسىن ازىرلەيدى دەپ حابارلايدى قامشى اقپاراتتىق اگەنتتىگى.
اقىسى ادام سانى مەن ءۇيدىڭ كولەمىنە بايلانىستى. جالپى، «نۇرلى جەر» بويىنشا 15 جىل ىشىندە 1،5 ملن وتباسى باسپانامەن قامتىلادى. باعدارلامانىڭ جۇزەگە اسۋىن «نۇر وتان» پارتياسى قاداعالايدى.
بۇل تۋرالى كەشە ماجىلىستە «نۇرلى جول» ينفراقۇرىلىمدى دامىتۋدىڭ 2015-2019 جىلدارعا ارنالعان مەملەكەتتىك باعدارلاماسىن ىسكە اسىرۋعا ق ر ۇلتتىق قورىنان بولىنەتىن قاراجاتتىڭ جانە بيۋدجەتتىك قاراجاتتىڭ ماقساتتى جانە ءتيىمدى جۇمسالۋىنا باقىلاۋ جۇرگىزۋ بويىنشا ماجىلىستەگى «نۇر وتان» پارتياسىنىڭ فراكسياسى جانىنداعى «تۇرعىن ءۇي كوممۋنالدىق شارۋاشىلىق ينفراقۇرىلىمىن، سۋمەن جانە جىلۋمەن جابدىقتاۋ جەلىلەرىن جاڭعىرتۋ، تۇرعىن ءۇي ينفراقۇرىلىمىن نىعايتۋ» باعىتى بويىنشا كوميسسيانىڭ وتىرىسىندا بەلگىلى بولدى.
وتىرىس بارىسىندا وڭىرلەردى دامىتۋدىڭ باعدارلاماسى شەڭبەرىندەگى تۇرعىن ءۇي قۇرىلىسى، اكىمدىكتەردە كەزەكتە تۇرعاندار ءۇشىن كوممۋنالدىق تۇرعىن ءۇي قۇرىلىسى، جاس وتباسىلار ءۇشىن تۇرعىن ءۇي قۇرىلىسى، تۇرعىن ءۇي قۇرىلىس جيناق جۇيەسى ارقىلى كرەديتتىك تۇرعىن ءۇي، «نۇرلى جول» مەملەكەتتىك باعدارلاماسى اياسىندا تۇرعىن ءۇي قۇرىلىسى، اكىمدىكتەر ارقىلى كرەديتتىك تۇرعىن ءۇي قۇرىلىسى بويىنشا سۇراقتار تالقىعا سالىندى. كوميسسيانىڭ وتىرىسىنا «نۇر وتان» پارتياسى فراكسياسىنىڭ باسشىلارى، ءماجىلىس دەپۋتاتتارى، ق ر ينۆەستيسيالار جانە دامۋ مينيسترلىگىنىڭ، "سامۇرىق-قازىنا" ءۇاق" اق جانە "بايتەرەك" ۇبح" اق-نىڭ وكىلدەرى قاتىستى. تالقىلاۋ قورىتىندىلارى بويىنشا وتىرىسقا قاتىسۋشىلارىمەن بىرگە كوميسسيانىڭ ۇسىنىستارى ازىرلەندى.
ايتا كەتسەك، بىرنەشە كۇن بۇرىن پرەزيدەنت نازاربايەۆ «الەۋمەتتىك ءالسىز توپتارعا بەرىلۋى كەرەك باسپانادان شەنەۋنىكتەر دامەلەنبەسىن. الەۋمەتتىك ءالسىز توپتاعىلار جالدامالى ۇيگە اقشا تولەسىن، سوسىن بارىپ ساتىپ السىن. بيۋدجەتتەگىلەر «نۇرلى جەر» باعدارلاماسىنا جۇگىنسىن» دەگەن ەدى.