ديماش قۇدايبەرگەننىڭ استاناداعى كونسەرتى توبەلەسپەن باستالدى (ۆيدەو)

    Gulim Zhaqan
    ديماش قۇدايبەرگەننىڭ استاناداعى كونسەرتى توبەلەسپەن باستالدى (ۆيدەو)

    31 ارنانىڭ بەرگەن اقپاراتىنا سۇيەنسەك، استانا زالىنىڭ كۇزەتشىسى اراي تەمىرحانوۆا ەسىمدى ءتىلشىنىڭ بەتىنەن شاپالاقپەن بەرىپ جىبەرگەن. تەلەارنانىڭ جاڭالىقتار قىزمەتىندەگى ديرەكتورى گۇلجان مۇقىشيەۆا بولعان جانجالعا بايلانىستى ءوز پىكىرىن ءبىلدىردى:

    «ءبىزدىڭ جۋرناليستەر ول جەردە حالىقتىڭ ءبىر-بىرىن يتەرىپ، قىسىلىسىپ تۇرعانىن كورگەن. ءسويتىپ، ولار بەلگىسىز بىرەۋدىڭ تەلەفونمەن ۆيدەوعا ءتۇسىرىپ جۇرگەنىن بايقاعان. وسى ساتتە ونىڭ جانىنا كۇزەتشى جەتىپ بارىپ، جىگىتكە تاپ بەرەدى. مۇنى كورگەن جۋرناليست كۇزەتشىنى توقتاتپاق بولادى. مەنىڭ تۇسىنۋىمشە، جانجال وسىدان باستالعان» دەدى گۇلجان مۇقىشيەۆا.

    سول ساتتە تەلەارانانىڭ استانالىق ءتىلشىسى اراي تەمىرحانوۆا كۇزەتشىنىڭ دورەكىلىگىن ءوز تەلەفونىنا تۇسىرمەكشى بولادى.

    «ءبىزدىڭ ارايدىڭ تۇسىرمەسكە امالى قالمادى. ونى بايقاعان ءبىر كۇزەتشى بەتىنەن ۇرىپ جىبەرگەن. ول كۇزەتشىلەردىڭ ىشىندەگى ەڭ بەلسەندىسى عوي دەيمىن. وپەراتور تۇسىرمەدى، سەبەبى تەحنيكانى ساقتاۋ كەرەك قوي» دەپ ءسوزىن جالعادى.

    گۇلجان مۇقىشيەۆانىڭ سوزىنە قاراعاندا، ولار ءىستىڭ ءمانىن ءالى دە انىقتايتىن بولادى. ول جەردە 31 ارنانىڭ تاعى ءبىر ءجۋرناليستى بولعان. ول كونسەرتتە ديماشتى حالىقتىڭ قالاي قارسى الاتىنى جايىندا ايتىپ، تىكەلەي ەفيرگە شىعۋ كەرەك بولعان. ال اراي جالعاسىن تۇسىرمەكشى، الايدا جاعداي مۇلدەم باسقاشا بولادى.

    ارايعا كومەكتەسپەك بولعان وزگە دە تىلشىلەر كۇزەتشىنىڭ سوققىسىنىڭ استىندا قالعان.

    ديماشتىڭ كونسەرتىندە ورىن العان جانجال جايىندا مادەنيەت جانە سپورت ءمينيسترى ارىستانبەك مۇحامەدي ۇلى پىكىرىن ايتتى. ول ءوز سوزىندە بولعان جاعدايعا جۋرناليستەردى كىنالاپ قالدى.

    ارىستانبەك مۇحامەدي ۇلى وقيعانى ءوز كوزىمەن كورمەگەندىكتەن ەشتەڭە دەي المايتىنىن ايتتى. تەك ورىن الاتىن كەلەڭسىز جاعدايلاردىڭ بارىنە مينيستر جۋرناليستەردى كىنالادى. سەبەبى، ولارعا تەك وسەك كەرەك ەكەن، پيار ىزدەيدى ەكەن. "بۇلاي بولماسا، ءجۋرناليستىڭ مانسابى وسپەيدى" دەيدى.

    سونداي-اق، ەشقانداي تەرگەۋدىڭ بولمايتىنىن ايتتى.

    «ديماش – اڭىز ادام! ونىڭ قۇرمەتىنە تۋ كوتەرىلدى، ءانۇران ايتىلدى. سوندىقتان، ەشقانداي تەرگەۋ بولمايدى، تەك پىكىرلەر ايتىلادى" دەپ ءسوزىن تۇيىندەدى ق ر مادەنيەت جانە سپورت ءمينيسترى.

    قاتىستى ماقالالار