اراب ءتىلدى وقىرماندار ەندى پرەزيدەنت نۇرسۇلتان نازاربايەۆتىڭ ومىربايانىمەن ەتەنە تانىساتىن بولدى. ساۋد ارابياسىندا ەلباسىنىڭ ءومىر جولى تۋرالى كىتاپتىڭ اراب تىلىندەگى نۇسقاسى تانىستىرىلدى، دەپ حابارلايدى قامشى اقپاراتتىق اگەنتتىگى 24 حابارعا سىلتەمە جاساپ.
اۆتورى – بەلگىلى پۋبليسيست، پرەزيدەنت كەڭسەسىنىڭ باسشىسى - ماحمۇد قاسىمبەكوۆ.
«نۇرسۇلتان نازاربايەۆ. ءومىربايان» اتتى تۋىندىنىڭ اراب تىلىندە جارىق كورۋىنە ەر-ريادتاعى يسلام زەرتتەۋ ورتالىعى ۇيىتقى بولعان. تۇساۋكەسەر اياسىندا وتكەن كونفەرەنسيادا شەتەلدىك جۋرناليستەر مەن ساراپشىلار قازاقستاننىڭ وتكەنى مەن بۇگىنى جايلى ماعۇلماتقا قانىقتى. ال ارنايى ۇيىمداستىرىلعان كورمەدە ەلىمىزدىڭ اسەم كورىنىستەرى پاش ەتىلدى.
سونداي-اق، تۇڭعىش پرەزيدەنت كىتاپحاناسى مەن كورول فەيسال اتىنداعى يسلام زەرتتەۋ ينستيتۋتى اراسىندا ىنتىماقتاستىق تۋرالى مەموراندۋم جاسالدى. سول ارقىلى تاراپتار عىلىمي زەرتتەۋ جۇمىستارىن بىرلەسىپ جۇرگىزۋگە ۋاعدالاستى.
ماحمۇد قاسىمبەكوۆ، ق ر پرەزيدەنتى كەڭسەسىنىڭ باسشىسى، كىتاپ اۆتورى:
- اراب الەمى دۇنيەدەگى ەڭ ۇلكەن وركەنيەتتەردىڭ بىرەۋى عوي. سوندىقتان كىتاپتىڭ اراب تىلىندە شىعۋى بىزدەر ءۇشىن ۇلكەن قۋانىش. حانزادامەن كەلىسىمگە كەلدىك. قازاق تاريحى تۋرالى اراب تىلىندە كىتاپ شىعارۋ تۋرالى كەلىسىمگە كەلدىك. ەگەر ول شىقسا، ءبىز ءۇشىن ۇلكەن ناتيجە بولار ەدى.