بۇگىنگى تاڭدا ادام بالاسىنىڭ سىرتقى بولسىن، ىشكى بولسىن جان-جاراسىن ەمدەيتىن قۇرال سمارتفوندار مەن الەۋمەتتىك جەلىلەر ەكەن. ونىڭ دالەلى - جۇڭگو اۋرۋحانالىرىنىڭ بىرىندە ورىن العان تومەندەگى وقيعا.
قىتايدىڭ حانچجوۋ قالاسىنىڭ 69 جاستاعى تۇرعىنى اياعىنا جاسالعان وتا كەزدە الەۋمەتتىك جەلىدە وتىرعان، دەپ حابارلايدى جەرگىلىكتى ب ا ق.
چجۋ ەسىمدى ايەلدىڭ اياعىنداعى تامىرلارى ءىسىنىپ، وتا جاساتۋ كەرەك بولادى، الايدا ايەل وتادان قاتتى قورقادى ەكەن. سول سەبەپتى دارىگەر وتا جاساۋ كەزىندە ايەلگە سمارتفون قولدانۋعا رۇقسات ەتەدى.
زەينەتكەردىڭ ايتۋىنشا، الەۋمەتتىك جەلىلەر ونىڭ قورقىنىشى مەن ۋايىمىن ۇمىتتىرىپ جىبەرگەن. وتا بارىسىندا ول WeChat ارقىلى دوستارىمەن ارالاسىپ، ءتىپتى، دارىگەرلەر مەن مەدبيكەلەردىڭ جۇمىس ىستەۋ بارىسىن سۋرەتكە دە ءتۇسىرىپ ۇلگەرگەن.
وتا جاساۋ كەزىندە تەلەفونعا تىيىم سالىنعانىمەن، چجۋگە بۇل تىيىمنىڭ قاتىسى بولمادى.
وسىعان ۇقساس جاعداي قاڭتار ايىندا دا ورىن العان كورىنەدى. نيۋ-يوركتەگى مەتتيۋ شۋمان ەسىمدى حيرۋرگ تىكەلەي ەفيردە وتا جاساپ، حيرۋرگيالىق قۇرالدارمەن تانىستىرىپ، جالپى وتا جاساۋ پروسەسىن ءتۇسىندىرىپ بەرگەن ەكەن. سونىڭ ارقاسىندا ەر ادامنىڭ پارقشاسىنا ميلليونداعان ادام قوسىلعان.