د. ابايەۆ: جۋرناليست دۇرىس ىستەمەسە دە، قول جۇمساۋ فاكتىسىن ايىپتايمىز

    Gulim Zhaqan
    د. ابايەۆ: جۋرناليست دۇرىس ىستەمەسە دە، قول جۇمساۋ فاكتىسىن ايىپتايمىز

    ديماش قۇدايبەرگەننىڭ قۇرمەتىنە وتكەن كەشتە كۇزەتشىلەر مەن جۋرناليستەر اراسىندا شىققان جانجالعا قاتىستى ق ر اقپارات جانە كوممۋنيكاسيالار ءمينيسترى داۋرەن ابايەۆ پىكىر ءبىلدىردى، دەپ حابارلايدى قامشى اقپاراتتىق اگەنتتىگى Sputnik قازاقستانعا سىلتەمە جاساپ.

    «جۋرناليستكە  قول جۇمساۋ فاكتىسى بويىنشا اقپارات جانە كوممۋنيكاسيالار مينيسترلىگىنىڭ پوزيسياسى مىناداي: ءبىز ادامعا، اسىرەسە، ءوزىنىڭ قىزمەتتىك مىندەتىن اتقارىپ جۇرگەن جۋرناليستكە قاتىستى جاسالعان كەز كەلگەن زورلىق-زومبىلىق فاكتىسىنە قارسىمىز. ءبىز بۇل وقيعا بويىنشا مۇقيات تەرگەۋ جۇرگىزىلگەنىن سۇرايتىن بولامىز. ونىڭ ناتيجەسىن حابارلايمىز. جۋرناليست تاراپىنان دۇرىس ىس-ارەكەت بولماعاننىڭ وزىندە، قول جۇمساۋ فاكتىسىن ايىپتايمىز»، — دەدى ابايەۆ جۋرناليستەرگە بەرگەن سۇحباتىندا.

    ايتا كەتەيىك، 25 ساۋىردە استانادا "قازاقستان" ورتالىق كونسەرت زالىندا ديماش قۇدايبەرگەننىڭ قۇرمەتىنە "الەم تانىعان ديماش" كەشى ءوتتى. كەش باستالماس بۇرىن كونسەرتتىك زالدىڭ كۇزەتشىلەرى مەن 31 ارنانىڭ، سونداي-اق باسقا دا باسىلىمداردىڭ جۋرناليستەرى اراسىندا جانجال ورناپ، سوڭى توبەلەسكە ۇلاسقان. ق ر ىشكى ىستەر ءمينيسترى قالمۇحانبەت قاسىموۆ بۇل كەلەڭسىز وقيعانىڭ ءمان-جايىن انىقتاۋعا ۋادە بەردى.

    ونىڭ ۇستىنە، ق ر مادەنيەت جانە سپورت ءمينيسترى ارىستانبەك مۇحامەدي ۇلى بولعان جاعداي ەلەۋسىز قالمايتىنىن ايتىپ، «قازاقستان» كونسەرت زالىنا قاتاڭ شارا قولدانۋدى بۇيىرعانىن جازعان.
     

    قاتىستى ماقالالار