كۇيەۋى بار ايەلدى الىپ قاشىپ كەتكەن جىگىت تۋرالى پروكۋراتۋرا قامشىعا ارنايى مالىمدەدى

    Zhazira Baidaly
    كۇيەۋى بار ايەلدى الىپ قاشىپ كەتكەن جىگىت تۋرالى پروكۋراتۋرا قامشىعا ارنايى مالىمدەدى

    قامشىنىڭ حات قورجىنىنا جامبىل وبلىسى پروكۋراتۋراسىنىڭ بۇقارالىق-قىزمەتىنەن كۇيەۋى بار ايەلدى الىپ قاشىپ كەتكەن جىگىتتىڭ ءىسى تۋرالى ارنايى مالىمدەمە كەلىپ ءتۇستى. ەستەرىڭىزگە سالا كەتەيىك، 08.11.2016 جىلى ساعات 17:00 شامالارىندا تاراز قالاسىندا ءبىر توپ جاس بالالار قىزعا كۇش قولدانىپ، ونىڭ ەركىنەن تىس ۇيلەنۋ ماقساتىندا «ميتسۋبيسي حاريزما» اۆتوكولىگىنە وتىرعىزىپ ت. رىسقۇلوۆ اۋدانىنا الىپ كەتكەن بولاتىن.

    كەلىنشەكتىڭ كوز جاسى ولاردى توقتاتا المادى، سول مەزەتتە ول ءتىپتى تۇرمىستا قۇرىپ قويعان، بۇل تۋرالى ول الىپ قاشۋشىلارعا دا ايتقان، الايدا ولار قىزعا سەنبەي ونى ءارى قاراي ت. رىسقۇلوۆ اۋدانىنا الىپ كەتە بەرگەن.

    اياعىندا وسى جاس جىگىتتەرگە قاتىستى سدتبت-نە ق ر قك-نىڭ 125 بابىنىڭ 2 بولىگى 1 تارماعىمەن قىلمىستىق ءىس تىركەلىپ، باستاماشى بولعان «كۇيەۋجىگىت» 7 جىلعا باس بوستاندىعىنان ايىرىلعان.

    تەرگەۋ بارىسىندا كورسەتىلگەن ازاماتتار باسقا قىزدى الىپ قاشۋ ءۇشىن بارعاندىعى جانە ابايسىزدا تۇرمىس قۇرعان قىزدى الىپ قاشقاندىعى انىقتالعان، ياعني «كۇيەۋجىگىت» ءوزىنىڭ بولاشاق جارىن مۇلدەم كورمەگەن دە.

     «وكىنىشكە وراي، جامبىل وبلىسىندا ءالى دە بولسا «قالىڭدىقتى ۇرلاۋ» كوزىن جويماعان، بۇل ءتىپتى قىزداردىڭ كەلىسىمىنسىز دە جاسالىپ جاتادى» - دەپ كورسەتتى جامبىل وبلىسىنىڭ پروكۋرورى ەرنات سىبانقۇلوۆ.

    ەڭ وكىنىشتىسى، وسىنداي جاعدايعا تاپ بولعان قىزدار، «وتباسىنىڭ ابىرويىن» تۇسىرۋدەن قورقىپ، تۇرمىس قۇرۋعا ءماجبۇر بولادى، ءتىپتى بۇرىن كورمەگەن، تانىمايتىن ازاماتپەن دە.

    «مۇنداي تۇرمىس قۇرۋدىڭ قورىتىندىسى – كەيبىر وتباسىلار ءبىراز ۋاقىت وتكەننەن كەيىن ىدىرايدى، ال باسقالارىندا ايەلدەر «كۇڭنىڭ» كۇنىن كەشۋگە ءماجبۇر» - دەپ حابارلادى وبلىس پروكۋرورى.

    باسقا مىسال، وتكەن جىلدىڭ قىركۇيەك ايىندا بايزاق اۋدانىنىڭ تۇرعىنى كۇش قولدانىپ، 1992 جىلى تۋىلعان ازاماتشانى ۇرلاپ كەتىپ، كەيىننەن پوليسيا قىزمەتكەرلەرىمەن تۇتقىندالدى.

     تەرگەۋ بارىسىندا كورسەتىلگەن ازامات وسىدان توعىز اي بۇرىن قىزدى ۇيلەنۋ ماقساتىندا ۇرلاعاندىعى، قىزدىڭ تۋىسقاندارى ونى ءوز كۇشتەرىمەن الىپ كەتكەندىگى، ءبىراق بۇل دەرەك بويىنشا پوليسياعا ارىز بەرمەگەندەرى انىقتالدى.

    ەڭ سوراقىسى، «بولماي قالعان كۇيەۋجىگىت» اسكەري قىزمەتكەر بولعان، ياعني ابدەن جەتكىلىكتى ءبىلىمدى ازامات وسىعان بارعان، قازىرگى تاڭدا سوڭعىسىنا قاتىستى قىلمىستىق ءىس سوت قاراۋىندا، بۇل اسكەري قىزمەتكەر ءوزىنىڭ مانسابىنا بالتا شابۋمەن قاتار، ناقتى باس بوستاندىعىنان ايىرىلۋى مۇمكىن.

    قىز بالانىڭ ەركىنەن تىس، نەكە قۇرۋعا ماجبۇرلەۋ ءبىزدىڭ داستۇرىمىزگە جانە دىنىمىزگە جات نارسە بولىپ تابىلادى، سونىمەن قاتار، زاڭعا قايشى  جانە بۇل مۇشكىل جاعدايعا الىپ كەلۋى مۇمكىن.

    قازاق حالقى ايەل زاتىن ءارقاشان قادىرلەگەن، وسىعان وراي جاستاردى  وسىنداي جاعىمدى قۇندىلىققا تاربيەلەۋ قاجەت.

    ەلباسى  نۇرسۇلتان ءابىش ۇلى نازاربايەۆ ءوز سوزىندە، مۇسىلمان حالقى ارالارىندا جانە جالپى شىعىستا ايەل زاتىن جوعارى قۇرمەتتەيتىن، سىيلايتىن ءبىزدىڭ قازاق حالقىنان باسقا بالكىم حالىق تابىلمايدى دەپ اتاپ كەتكەن.

    وسىعان وراي، ءبىز جاستار اراسىندا قىز بالالاردى ءوز ەركىنەن تىس الىپ قاشۋ، ءتىپتى ول ىس-ارەكەتتەرىن «بەكزاتتى ماقساتتا» جاسالادى دەپ ويلاعان  جاستارعا، ونىڭ قىلمىس ەكەنى، جاستاردىڭ مۇنداي ويلانباعان ارەكەتتەر جاساۋدان ساقتاۋ، سونىمەن قاتار ول ارەكەتتەر وزدەرىنىڭ جانە وزگە ادامنىڭ ءومىرىنىڭ شىرقىن بۇزاتىنى تۋرالى زاڭ تۇسىندىرمە جۇمىستارىن جۇرگىزۋدى دۇرىس دەپ سانادىق دەيدى پروكۋراتۋرا.

     

     

            

     

     

     

     

     

     

     

     

     

     

     

     

     

     

     

     

     

     

     

     

     

     

     

    قاتىستى ماقالالار