اتى الەمگە تانىلعان ديماش قۇدايبەرگەننىڭ ەسىمىن بۇگىندە بىلمەيتىن قازاق قانا ەمەس-اۋ، ەل جوق دەسەم قاتەلەسپەسپىز. قىتايدىڭ I am singer جوباسىندا ءوزىنىڭ تالانتىمەن كورەرمەن كوزايىمىنا اينالعان قازاقستاندىق ءانشى قازاقتىڭ بەلدى ازاماتتارى، قوعام بەلسەندىلەرىنەن بولەك، ەلباسىنىڭ اق باتاسىن الىپ، ىزگى تىلەگىنە بولەندى. حالىقىمىز ديماشتىڭ قازاق ونەرى ءۇشىن تيگىزەر ۇلەسى ءالى دە زور بولماق ەكەنىن ايتىپ جاتىر. سونىڭ ءبىرى "اق جول" دەموكراتيالىق پارتياسى، ورتالىق كەڭەس حاتىشىسى ارمان سقابىل ۇلى.
"ءوز باسىم قازاقتىڭ قازىرگى شوۋ-بيزنەستەگى، تەلەارنالارداعى ءان ونەرىن ديماشقا دەيىن جانە ديماشتان كەيىن دەپ ەكى كەزەڭگە بولگىم كەلەدى. ديماشقا دەيىنگىسى - جاساندى داۋىس، "ارسىز" پروديۋسەر، بەتىنە بەس باتپان بوياۋ جاققان" قۋىرشاقتار بولسا، ديماشتان كەيىنگىسى- بويىنان ۇلتتىق رۋح پەن ءداستۇر اڭقىپ تۇرعان تابيعي داۋىس يەلەرى بولادى دەپ ۇمىتتەنەمىن"، دەپ پىكىرىن ءبىلدىردى ارمان سقابىل ۇلى ءوزىنىڭ فەيسبۋكتەگى پاراقشاسىندا.