توعىز جاستاعى الماتىلىق الينا سانسىزباي رەسەيلىك ايگىلى “گولوس” شوۋىنىڭ بالالارعا ارنالعان نۇسقاسىندا ءۇشىنشى ورىن الدى دەپ حابارلايدى قامشى اقپاراتتىق اگەنتتىگى stan.kz-كە سىلتەمە جاساپ.

ءانشى قىز ساحناعا شىعار الدىندا نيۋشا ءوزىنىڭ شاكىرتى تۋرالى ايتىپ بەردى. “ول وزىنە سەنىمدى قىز. ونىڭ ىشكى قۋاتى بار، نە قالايتىنىن بىلەدى”، – دەدى ءانشى.

فينالدا الماتىلىق قىز ءۇش ءان ورىندادى. ول كونستانتين مەلادزە ورىندايتىن پولينا گاگارينانىڭ رەپەرتۋارىنداعى “شاگاي” ءانىن، سوسىن الينا جانە نيۋشانىڭ كومانداسىنداعى تاعى ەكى قىز “ۆىبيرات چۋدو” ءانىن ورىنداپ شىقتى.

وسىدان سوڭ تەلەكورەرمەندەر تىكەلەي ەفيردە نيۋشانىڭ قاراماعىنداعى ءۇش ءانشىنىڭ ۇزدىگىن تاڭداۋى ءتيىس بولدى. ناتيجەسىندە الينا 42،7 پايىز داۋىس الىپ، فينالدىڭ ەكىنشى كەزەڭىنە جولداما الدى.

جاس قازاقستاندىق ونەرپاز ۋيتني حيۋستوننىڭ “Queen of the Night” ءانىن ايتتى. بۇل جولى دا كورەرمەندەر داۋىس بەرىپ، 15،9 پايىز داۋىس الىپ، ءۇشىنشى ورىنعا يە بولدى.

ال جوبانى ديما بيلاننىڭ شاكىرتى بولعان ەليزاۆەتا كاچۋراك جەڭىپ الدى.