ماسكەۋلىك ايەل ءوز قىزىن سۋعا تۇنشىقتىرعان. قىز سۋعا تۇنشىعىپ، كوز جۇمعان. ءوز قىزىن ولتىرگەننەن سوڭ اناسى قىزىن كيىندىرىپ، وعان ەرتەگى وقىپ بەرگەن دەپ حابارلايدى قامشى اقپاراتتىق اگەنتتىگى life.ru-عا سىلتەمە جاساپ.

26 ءساۋىر كۇنى ماسكەۋ قالاسى دوروگوميلوۆسكو اۋدانىنىڭ سوتى 32 جاستاعى نادەجدانى قاماۋعا الۋعا شەشىم قابىلدادى. سوت وتىرىسىندا ايەل ەڭكىلدەپ جىلاپ، ءوزىنىڭ ءتورت جاستاعى قىزىن ولتىرگەنىن مويىندادى. كۇيەۋىمەن اجىراسقانىن جانە ەش جەردە جۇمىس ىستەمەيتىنىن مالىمدەدى.

نادەجدانىڭ قورعاۋشىسى قورعالۋشىسىنىڭ پسيحيكالىق اۋرۋمەن اۋىراتىنىن ايتىپ، تۇزەۋ مەكەمەسىنە جىبەرىلمەۋىن سۇرادى.

ايىپتالۋشى نادەجدانىڭ ايتۋى بويىنشا، وقيعا بولعان كۇنى تاڭەرتەڭنەن باستاپ ءوزىن-وزى ولتىرمەك بولعان. اقىرىندا قىزىن ولتىرۋگە شەشىم قابىلداعان. ارتىنشا ۆاننانى سۋعا تولتىرعان. ال قىزى بولسا ءوزىن سۋعا تۇسىرەدى دەپ ويلاعان. اناسى قىزىنىڭ باسىن سۋعا باتىرىپ، ءولىپ قالعانشا سۋدان شىعارماعان. قىزىنىڭ دەمى تاۋسىلعان سوڭ، ونى كيىندىرىپ، توسەككە جاتقىزعان. ارتىنان ەرتەگى ايتىپ بەرگەن. بۇل جايتقا سول ۋاقىتتا ۇيىنە كەلگەن اجەسى كۋا بولعان دەپ مالىمدەدى قورعاۋشىسى كاراتايەۆ

قورعاۋشىنىڭ مالىمدەۋىنشە، نادەجدا ومىرمەن ەسەپتەسپەك بولعان.

بارلىعى كۇيەۋىمەن اجىراسقاننان باستاۋ الادى. كۇيەۋى ىشىمدىك ءىشىپ، ەسىرتكى پايدالانعان. سول سەبەپتى 2015 جىلى اجىراسقانىن ايتقان. قىزىن ءولتىرۋدىڭ باستى سەبەبى، ونى جالعىز ءوزى اسىراي المايتىن بولعاندىقتان دەپ مالىمدەدى قورعاۋشى كاراتايەۆ.

اۋدارعان : ايگەرىم تاۋباي