الەكساندر لۋكاشەنكو جەكەشەلەندىرۋگە رەسمي قارسى تۇرعانىمەن، ونىڭ قول استىنداعى بيلىك جاقىن ۋاقىت ارالىعىندا جەكەشەلەنۋى ءتيىس   10 مەملەكەتتىك اكتيۆتەر ءتىزىمىن قۇراستىرۋدى باستاپ كەتتى. ايتپەگەن جاعدايدا بەلورۋسسيانىڭ الەمدىك ۆاليۋتا قورىنان كرەديت الا الماسى انىق.

21 ساۋىردە پارلامەنت پەن حالىققا جاساعان جولداۋىندا، الەكساندر لۋكاشەنكو بۇرىنعى بايانداماسىن قايتالاي وتىرىپ، مەملەكەتتىڭ ەكونوميكاداعى ساۋدا رەفورماسىنا بارا الماي وتىرعانىن ايتىپ ءوتتى.

«سىزدەرگە قاراپايىم تىلمەن ايتسام، جولداستار، ەشقانداي رەفورماعا، جەكەشەلەندىرۋگە، ۇمىتتەنبەڭىزدەر. ەرتەڭ  ءبىز كورشى ەلدەردەگىدەي  بيلىكتى تاراتىپ، ءبارىن بولىسەتىنىمىزگە جانە  ءاربىرىمىز حالىقتىڭ مۇلكىنە  قول سۇعاتىنىمىزعا ۇمىتتەنبەڭىزدەر. مەن پرەزيدەنتتىك ورىندا وتىرعان كەزدە بۇعان جول بەرمەيمىن»،-دەدى ول.

بۇل ماسەلەگە بەلورۋسسيا  باسشىسىنىڭ ۇزىلدى-كەسىلدى قارسىلىعى بۇرىننان انىق.

ونىڭ «قورانىڭ ءوزى  جەكەلەرگە تەك مەنىڭ رۇقساتىممەن ساتىلادى» دەگەن ءسوزى قاناتتى سوزگە اينالىپ ۇلگەردى.

بۇگىنگى الەمدىك بانكتىڭ اقپارىنشا، بەلورۋسسيا ءوندىرىسىنىڭ 85 پايىزى مەملەكەتتىڭ قولىندا.

الايدا 2014 جىلدىڭ سوڭىندا بەلورۋسسيا ەكونوميكاسى داعدارىسقا تۇسكەن بولاتىن،جانە سىرتقى قارىزداردىڭ اسەرىنەن تۇراقسىزدانعان.

سونىمەن بىرگە 2017 جىلى بەلورۋسسيانىڭ ىشكى جانە  سىرتقى قارىزدارىنىڭ جالپى كولەمى 3،6 ملرد . دوللاردى قۇراۋ كەرەك بولعان.بۇل جاعدايدا رەسەي  بەلورۋسسيانىڭ بەرەشەگىن  800ملن. دوللار كولەمىندە   قايتا قارجىلاندىرۋعا جانە ولارعا 1ملرد. دوللار مەملەكەتارالىق قارجى بەرۋگە كەلىسكەن بولاتىن.

رەسمي تۇردە مينسك 2015 جىلدان باستاپ الەمدىك بانكپەن سەرىكتەستىكتە ەكونوميكانى رەفورمالاۋ  «جول كارتاسىن» دايىنداپ كەلەدى. الەمدىك ۆاليۋتا قورىمەن كەلىسىم تەك 2016 جىلدىڭ قازانىنا دەيىن جەتتى، الايدا الەكساندر لۋكاشەنكو وعان ءۇزىلدى كەسىلدى قارسىلىق ءبىلدىرىپ ، «بۇل تۇنشىقتىرۋعا باعىتتالعان» دەگەن مالىمدەمە جاسادى.

24 ساۋىردە «بەلاپان» اقپاراتتىق اگەنتتىگى حابارلاعانداي، بەلورۋسس بيلىگىنىڭ الەمدىك ۆاليۋتا قورىمەن  كەلىسىم شارت جاساۋعا دايىندالىپ، مەملەكەتتىك كاسىپورىندار قاتارىن  جەكەشەلەندىرۋدى قاراستىرۋدا.

ەندىگى كەزەكتە، ساتىلىم الدىنداعى دايىندىققا قاتىستى 10 اكتيۆتەر تىزىمىنە كەلىسىم-شارت  جاساسۋ قاجەت.

جاڭا كرەديتتىك باعدارلاما جايىندا  ۆاشينگتوندا الەمدىك ۆاليۋتا قورىنىڭ جەتەكشىلىگىمەن بولىپ  وتكەن كەلىسسوزدە  بەلورۋسس دەلەگاسياسى كەلىسىمگە قول قويعان بولاتىن.

دەلەگاسيا قۇرامىندا ۇلتتىق بانك جانە قارجى مينيسترلىگىمەن ەكونوميكا مينيسترلىگىنىڭ جەتەكشى قىزمەتكەرلەرى بولدى.