تاعى دا Ninety one توبىنىڭ كوپتىڭ اشۋىن تۋدىرعان بەينەبايانى جارىققا شىقتى دەپ حابارلايدى قامشى اقپاراتتىق اگەنتتىگى. وسىدان ءبىراز ۋاقىت بۇرىن شاشتارىن قاراعا بوياپ، سىرعالارىن شەشىپ، قالىپتى ستيلگە كوشكەن كەزدە ءبىراز قازاق شۇكىرشىلىك ەتكەن ەدى. ءبىراق جاڭا بەينەبايانىندا ولار ءوز ستيلدەرىنە قايتا ورالعاندارىن كورسەتتى. بەينەباياندا تيتتەي دە بولسىن ءمان-ماعىنا جوقتىعىمەن قويماي، ايتقان سوزدەرى دە تۇسىنىكسىز، ءتىپتى ءماتىندى دۇرىستاپ وقىپ شىقساڭ دا ەشتەڭە ۇقپايسىز.

ولاردىڭ جاڭا ءانى «سۋ استى» دەپ اتالادى. اندە «بىزدە جەلبەزەكتەر قانشا جەردەن زەرتتەسەڭ دە تۇسىنبەيسىڭ مەنى» دەگەن سويلەمدەر كەزدەسەدى. شىنىمەن دە قانشا تۇسىنەيىن دەپ وقىساڭىز دا تۇسىنە المايسىز. بۇل اندە ولاردىڭ «ءبىز نە ىستەسەك تە ءوزىمىز بىلەمىز، بىزگە قارسى تۇرا المايسىڭدار» دەپ ايتقىلارى كەلگەندىگىن عانا بايقادىم. ارينە، نە ىستەسە دە وزدەرى بىلەدى، ءبىراق ولاردىڭ بولاشاق ۇرپاقتىڭ ساناسىن ۋلاۋىنا جول بەرىپ، قاراپ وتىرا الماسىمىز انىق.

توپ مۇشەلەرىنىڭ مۋزىكالىق ساۋاتتىلىعى مەن حورەوگرافيالىق شەبەرلىكتەرىن مويىنداۋ كەرەك. الايدا، بۇل بەينەبايان ارقىلى جىندانىپ كەتكەن بە دەپ ويلايسىز. بۇل جەردە جىگىتتەر وزدەرىن شەگىپ العان ادام سەكىلدى كورسەتكەن.  ولار اۋانى قاجەت ەتپەيدى ەكەن. ياعني ولاردىڭ ومىرلەرى وزگەشە، وزگەلەرگە ۇقساي قويمايدى.  ولار قاراپايىم ادامدار سەكىلدى ءومىر سۇرۋدەن باس تارتقان. ءبىراق ولار وزدەرىمەن-وزدەرى بولىپ سول بەيمالىم الەمدە ءومىر سۇرە بەرسە جاقسى ەدى. وزدەرىمەن بىرگە قانشاما جاستاردى اداستىرىپ، اكەتىپ جاتىر.

قازاق حالقىن الەمگە تانىتامىز دەي مە؟  قازاق جىگىتتەرىنىڭ ابىرويىن ءتۇسىرىپ، الەمگە تانىتپاي-اق قويسىن. قازاق ونەرى ولارسىز دا دامىعان، دامي دا بەرەدى. 

قامشىگەر: اسەل وتەشوۆا