جاقسىلىق جاساۋدىڭ ولشەمى بولمايدى. مۇقتاج جانداردىڭ قاجەتتىلىگىن قامتاماسىز ەتىپ، مۇسىلمان باۋىرعا قول ۇشىن بەرۋ ءمۇمىن مۇسىلماننىڭ ەڭ ابزال ءىسى بولماق. جاقسىلىق جاساۋعا ۇمتىلىپ، قايىرىمدىلىق ءىس جاسايمىن دەۋشى ادام قولىنداعى كەز-كەلگەن مۇمكىندىگىن پايدالانا الادى. قازاق ەلى قاشان دا جەسىرى مەن جەتىمىن جىلاتپاعان نامىستى حالىق. مىنە، بۇگىن دە وسىنداي يگى جاقسىلىق جاسالىنىپ جاتىر. بۇگىنگە دەيىن اقمولا وبلىسىنىڭ باس يمامى بولىپ كەلگەن قانات قاجى قىدىرمين، جاماعاتتىڭ ريزاشىلىق رەتىندە سىيعا تارتقان "تويوتا كامري" اۆتوكولىگىن باسپاناسى جوق مۇقتاج وتباسىعا پاتەر السىن دەپ سىيعا تارتتى. جەتى بالانى جالعىز ءوزى باعىپ وتىرعان جالعىز باستى انا ءۇشىن بۇل جاڭالىق توسىننان بولدى.
كومەككە مۇقتاج مۇسىلمان باۋىرلارىنا جاردەم بەرگەن وسىنداي يگى ازاماتتارعا اللا تاعالا ەكى دۇنيە باقىتىن ءناسىپ ەتكەي!
دەرەككوز: ihsan.kz
