ق ر مۇسىلماندار وداعى وزدەرىنە ءبىر توپ اتەيستەر مەن فەمينيستەردىڭ حابارلاسىپ، ەلىمىزدە سۇندەتكە وتىرعىزۋعا تىيىم سالۋدى ۇسىنعانىن ايتتى، دەپ حابارلايدى قامشى اقپاراتتىق اگەنتتىگى zakوn.kz-كە سىلتەمە جاساپ.
اتەيستەر مەن فەمينيستەردىڭ پىكىرىنشە، سۇندەتتەۋ – ادام قۇقىعىن بۇزىپ، دەنساۋلىعىنا زيان كەلتىرەدى . ەجەلدەن كەلە جاتقان ءداستۇر دەنساۋلىققا ءقاۋىپ ءتوندىرىپ، بالانى پسيحولوگيالىق كۇيزەلىسكە تۇسىرەتىنىنە سەنىمدى.
وسى پىكىردى جاقتاۋشىلاردىڭ ءبىرى باتيما ەسىمدى قىزدىڭ ايتۋىنشا، «ادامنىڭ بارلىق مۇشەلەرى تەڭ قۇقىققا يە. ادام مۇشەسىنىڭ ءبىر بولىگىن كەسە وتىرىپ، ادام اعزاسىنىڭ ۇيلەسىمدىلىگىنە زيان كەلتىرەدى» دەيدى.
لگبت قاۋىمداستىعىنىڭ وكىلى، ارمان ەسىمدى ستۋدەنتتىڭ ايتۋىنشا ەلىمىزدەگى كوپتەگەن داستۇرلەر بۇرىنعى جابايىلىق ءداۋىردى ەسكە تۇسىرەدى ەكەن.
“ماحاببات پەن سۇندەت ەكەۋى سايكەسپەيدى. بالانى سۇندەتكە وتىرعىزىپ، ونىڭ جىنىس مۇشەسىنىڭ ەتىن كەسىپ الۋ ادامنىڭ اقىل-ويىنىڭ دامۋىنا دا كەرى اسەرىن تيگىزەدى. ەسكى ءداستۇرسىماقتان اياق تارتىپ، العا قاراي جاڭاشا قادام باسۋىمىز كەرەك”، – دەيدى ول.
بالالار ومبۋدسمەندەرىنىڭ ايتۋىنشا، ەرتە جاستان سۇندەتتەۋ كامەلەتكە تولماعان بالاعا جاسالعان زورلىق ىسپەتتى ەكەن. جاس بالانى سۇندەتتەگەندەردى زاڭ بويىنشا قاتاڭ جازاعا ۇشىراتۋ كەرەك دەيدى. ولار ەشكىم دە بالا ءۇشىن شەشىم قابىلداپ، ونىڭ دەنساۋلىعىن قيىن جاعدايعا قالدىرۋعا ءتيىستى ەمەس دەپ ەسەپتەيدى.
ايتا كەتسەك، سۇندەت مۇحاممەد پايعامباردىڭ (ع.س) سۇننەتى بولعانى ءۇشىن مۇسىلمان حالىقتارىندا ەرەكشە ماڭىزعا يە. پايعامبارىمىز سۇندەتكە وتىرۋدى اداميلىق مىندەتتەر سانالاتىن بەس نارسەنىڭ ءبىرى رەتىندە بىلدىرگەن. مەككەدە ەر بالالار 3-7 جاستارىندا سۇندەتكە وتىرعىزىلادى.
ءدىني جاعىنان ايتار بولساق، سۇندەتكە وتىرۋ يسلامنىڭ شيارىنان (بەلگىسىنەن) بولىپ سانالادى.
حاديس شاريفتەردە بىلاي دەلىنگەن:
«سۇندەتكە وتىرۋ ەركەكتەر ءۇشىن سۇننەت» (تاباراني).
ال كوپتەگەن مەديسينالىق زەرتتەۋ جۇمىستارى سۇندەتتەۋدىڭ پايدالى تۇستارىن دالەلدەدى. سۇندەتتەلمەگەندەرگە قاراعاندا، سۇندەتتەلگەن ەرلەر جىنىستىق قاتەرلى ىسىككە اناعۇرلىم از شالدىعادى. ەرى سۇندەتتەلمەگەن ايەلدەردە جاتىر مويىنشىعىنىڭ قاتەرلى ىسىككە شالدىعۋ ءقاۋپى 6 ەسە جوعارى بولادى.
شولۋشى: ايگەرىم تاۋباي
