ءۇندىستاننىڭ حانۋمانگان قالاسىندا 21 جاستاعى جىگىت سيرەك كەزدەسەتىن گەنەتيكالىق اۋرۋدان زارداپ شەگۋدە ،دەپ حابارلايدى قامشى اقپاراتتىق اگەنتتىگى.

جاس جىگىت ءوزىنىڭ قۇرداستارىنان 8 ەسە تەز قارتايۋدا. قازىرگى تاڭدا رۋپەش كۋمار 160 جاستاعى قاريانىڭ دەنەسىمەن ءومىر سۇرۋدە.

كۋماردىڭ شالدىققان اۋرۋى پروگەريا دەپ اتالادى. بۇل اۋرۋدىڭ باستى كورىنىسى - اعزانىڭ ەرتە قارتايۋى. الەمدە بۇل اۋرۋمەن 80-گە تارتا ادام اۋىرادى.

ءۇندىستان ازاماتىندا بۇل اۋرۋ 2 جاسقا تولعاندا كورىنىس بەرە باستاعان. باستاپقىدا باس اۋرۋىمەن باستالعان.

«دارىگەرلەر اۋىرۋدى جەڭىلدەتەتىن دارىلەر بەرىپ، اۋرۋحانادان شىعارىپ وتىردى. ەشكىم رۋپەشتىڭ نەمەن اۋىراتىنى جايلى ۇزىلدى-كەسىلدى ايتقان جوق. ارتىنشا ونىڭ باسى ۇلكەيىپ،  سالماعى ازايا باستادى» دەپ مالىمدەدى رۋپەشتىڭ 45 جاستاعى اكەسى راماپاتي كۋمار.

قازىرگى كۇندە ناۋقاستىڭ سالماعى 21 كەلى. رۋپەشتىڭ اتا-اناسى ءۇندىستاننىڭ مينيسترىنەن كومەك سۇراپ حات جولداعان. الايدا ەش جاۋاپ كەلمەي وتىر. 

دايىنداعان: ايگەرىم تاۋباي