ءساۋىردىڭ باسىنان ۆەنەسۋەلادا پرەزيدەنت نيكولاس مادۋروعا قارسى اكسيالار وتۋدە. بىرنەشە ادام قازا تاپسا دا، شەرۋىلشىلەردىڭ تولاستار ءتۇرى جوق.

وپپوزيسيالىق توپ پرەزيدەنتتىڭ جاڭا پارلامەنت قۇرۋ، ۇلتتىق اسسامبلەيانى جويۋ، مەملەكەتتىك كونستيتۋسياسىن وزگەرتۋ جونىندەگى شەشىمىنە قارسى نارازىلىق شەرۋىنە شىققان ەدى.

ءبي-بي-سي-دىڭ وڭىرلىك ءتىلشىسى شەرۋگە شىققاندارمەن تىلدەسىپ قايتتى، دەپ حابارلايدى قامشى اقپاراتتىق اگەنتتىگى.

«ءبىز بالالارىمىز ءۇشىن كۇرەسەمىز!» - ماريا الۆارەس، 57 جاس، قاتەرلى ىسىك اۋرۋىنا شالدىققان

ۆەنەسۋەلادا ادام بالاسىنىڭ ەركىندىگى شەكتەۋلى. ءوز ويىن اشىق ايتۋ دەگەن تۇسىنىكتەن ول جەردىڭ تۇرعىندارى ماقۇرىم قالعان.

ونىڭ ۇستىنە، دارىلەر، باسقا دا تاۋارلار تاۋسىلۋدىڭ ۇستىندە.

داعدارىس ءار وتباسىندا كورىنىس تاۋىپ جاتىر. الەۋمەتتىك جاعداي جاعىنان ەڭ تومەنگى دارەجەگە تۇستىك. كۇن سايىن كەدەيلەنىپ بارامىز. بالالارىمىزدىڭ بولاشاعى قاراڭ. ءار كۇنى ءبىر بالانى ءولتىرىپ كەتەدى.

مەن شەرۋگە انا رەتىندە شىعىپ ءجۇرمىن. ءوز بالالارىم ءۇشىن ەمەس، بۇكىل ۆەنەسۋەلالىق بالالار ءۇشىن، ەلدىڭ تۇتقاسىن قولىندا ۇستار بواشاق جاستار ءۇشىن ءجۇرمىن بۇل جەردە.

رەجيم وپپوزيسيانى تەرروريستەر رەتىندە كورەدى. بىزگە بۇل ۇنامايدى، سول ءۇشىن دە نارازىلىق تانىتامىز.

مەن اقتىق دەمىم قالعانشا نارازى توپتىڭ قاتارىندا بولامىن. ءوزىم ءسۇت بەزى قاتەرلى ىسىگىن وتكەردىم، ءقازىر ءتاۋىرمىن. ءبىراق سوڭىنا دەيىن كۇرەسەمىن.

«مەن سوڭىنا دەيىن قارسىلىق تانىتامىن!» - لا مەرتە (ءولىم)، لاقاپ اتى، 27 جاستا، قارا بازاردىڭ ساۋداگەرى  

نارازىلىق اكسياسىندا جۇرگەنىمە وسىمەن 32 كۇن بولدى، ءبىر كۇنىن جىبەرگەن ەمەسپىن. ەلىمىزدە بولىپ جاتقان جاعدايدىڭ كەسىرىنەن 2 اي بويى جۇمىسسىزبىن. مەن جۇمىس ىستەگەن فيرما ۆەنەسۋەلادان كوشىپ كەتتى.

ەكى بالام بار، ولاردى اسىراۋ ءۇشىن قارا بازاردا ساۋدامەن اينالىسىپ ءجۇرمىن.

بۇل جەردە ۆەنەسۋەلاداعى ديكتاتۋراعا نۇكتە قويۋ ءۇشىن ءجۇرمىز. بالالارىمىز تاۋەلسىز مەملەكەتتە ءومىر سۇرگەنىن قالايمىز.

ءبىزدى حالىق قولدايدى، تاماق اكەلىپ تۇرادى، ولاردى تاستامايتىنىمىزدى بىلەدى.

مەن ءاردايىم وزىممەن ۆەنەسۋەلانىڭ كارتاسى بەينەلەنگەن قالقاندى الىپ جۇرەمىن. مەملەكەتتىك قاۋىپسىزدىك مەكەمەسىنىڭ ادامدارى ىزىمىزگە تۇسكەندىكتەن، بەتپەردەمەن ءجۇرمىن.

35 كۇننىڭ ىشىندە 30 ادام قازا بولدى، ءبىز سولار ءۇشىن كۇرەسەمىز.

«ءبىز مۇنداي ومىرگە لايىق ەمەسپىز!» - ميگەل پيزاررو، 29 جاستا، وپپوزيسيالىق دەپۋتات

بۇل اكسياعا قاتىسۋىما اپكەمنىڭ باسىنان وتكەنى سەبەپ بولدى. ول ماعان انا دا، اكە دە بولا ءبىلدى. اتا-انام كوبىنە ساياسي ىستەرمەن شەت ەلدەردە جۇرەتىن.

اپكەمنىڭ جاسى 38-دە، 2012 جىلى قاتەرلى ىسىككە شالدىقتى.

ەلىمىزدەگى دارى-دارمەكپەن ەمدەدىك، ءبىراق ىسىك ۇلعايا بەردى. 2014 جىلى دارى-دارمەك ءوندىرۋشى زاۋىت جۇمىسىن توقتاتتى، قايتا اشىلمادى.

سالدارىنان ىسىك ۇلعايىپ، اپكەمنىڭ جاعدايى ناشارلاپ كەتتى. 2015 جىلى وتباسىمىزبەن ونى شەتەلگە جىبەردىك. ءقازىر ول شەت ەلدە ەم قابىلداپ ءجۇر.

اپكەممەن امالدىڭ جوقتىعىنان تەلەفون ارقىلى عانا تىلدەسۋگە يتەرمەلەگەن بۇل مەملەكەتتە ءومىر سۇرگىم كەلمەيدى. ءار تاڭىم مەن كەشتەرىم اپكەمدى ويلاۋمەن وتەدى.

نارازىلىق اكسياسىندا كەك الۋ ماقساتىندا ءجۇرمىن.

«مەن بۇل مەملەكەتتە قورعانسىزبىن، ءبىراق كۇش جيناۋىم كەرەك!» - البا فەرناندەس توررەس، 74 جاستا، دارىگەر

مەن نارازىلىق اكسياسىنا ءوز ەركىممەن شىقتىم، ءالى دە جالعاستىرامىن.بۇل ءبىز ءۇشىن ۇلكەن تاۋەكەل، ءبىراق بوستاندىققا قول جەتكىزگىمىز كەلسە، قاۋىپ-قاتەرمەن ۇشىراسۋعا تۋرا كەلەدى.

بالالىرم مەنى قاتتى ۋايىمدايدى، ءبىراق قولدايدى.

جاسىما قاراماستان، ەلىمنىڭ تاۋەلسىزدىگى ءۇشىن كۇرەسۋ – مەنىڭ مىندەتىم.

ورتا تاپتى قيراتقان بيلىكتىڭ اۋىسۋىن تالاپ ەتەمىن.

انەستەزيولوگ بولىپ جۇمىس ىسەتەگەندىكتەن ەلدە دەنساۋلىق ساقتاۋ سالاسىندا قيىندىقتار تۋىنداپ جاتقانىن ايتا الامىن.

اۋرۋحانالاردا ەشتەڭە قالمادى. مەن قاتەرلى ىسىككە شالدىقتىم، ءبىراق تەكەسىرستەن وتەتىن مۇمكىندىك جوق.

دۇرىس تاماقتانبايىن بولدىم، ەنەرگيا بەرەتىن تاعامدار قالمادى.

مىنا ادام (پرەزيدەنت نيكولاس مادۋرو) بيلىكتەن كەتپەيىنشە، مەن اكسياعا قاتىساتىن بولامىن. ول مىندەتتى تۇردە كەتەدى، مەن وعان سەنمىدىمىن.

دايىنداعان: گۇلىم جاقان