2017 جىلى 10-12 مامىردا ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ امەريكا قۇراما شتاتتارىندا (ۆاشينگتون، نيۋ-يورك قالالارىندا) رەسمي جۇمىس ساپارمەن بولدى دەپ حابارلايدى قامشى اقپاراتتىق اگەنتتىگى.

مينيستر جۇمىس ساپارى اياسىندا بىرنەشە كەزەسۋلەرگە قاتىستى. سونىڭ ىشىندە، ۆاشينگتون قالاسىندا حالىقارالىق ءدىني بوستاندىق جونىندەگى اقش-تىڭ كوميسسيانىڭ ءتوراعاسى قاسيەتتى توماس دج. ريزبەن كەزدەستى. كەزدەسۋ بارىسىندا تاراپتار اقش پەن قازاقستانداعى ءدىني احۋال تۋرالى پىكىر الماستى.

ن. ەرمەكبايەۆ حالىقارالىق ءدىني بوستاندىق جونىندەگى اقش-تىڭ كوميسسيانىڭ ءتوراعاسى توماس دج. ريزبەنگە قازاقستانعا قىزىعۋشىلىق تانىتقانى ءۇشىن العىس ءبىلدىردى. سونىمەن قاتار، ءوزارا سەنىم مەن قۇرمەتكە نەگىزدەلگەن كونسترۋكتيۆتى جانە اشىق ديالوگ ءۇشىن دايىن ەكەندىگىن ءبىلدىردى.

سونداي-اق، ۆاشينگتون قالاسىندا دەموكراتيالاندىرۋ، ادام قۇقىقتارى جانە ەڭبەك جونىندەگى مەملەكەتتىك حاتشىسىنىڭ كومەكشىسى مىندەتىن اتقارۋشى ۆيكتوريا بەننەتتپەن، ءدىني ازشىلدىق ماسەلەسى بويىنشا ارنايى كەڭەسشى نوكس تەمزبەن، وڭتۇستىك جانە ورتالىق ازيا ىستەرى بويىنشا  اقش مەملەكەتتىك حاتشىسىنىڭ كومەكشىسى مىندەتىن اتقارۋشى ۋيليام توددپەن جانە وڭتۇستىك جانە ورتالىق ازيا ىستەرى بويىنشا  اقش مەملەكەتتىك حاتشىسىنىڭ كومەكشىسىنىڭ ورىنباسارى دەنيەل روزەنبليۋممەن كەزدەستى.

كەزدەسۋگە قاتىسۋشىلار ازاماتتىق سەكتورىدىڭ دامۋىنىڭ كەيبىر اسپەكتىلەرىن، سونداي-اق تەرروريزمگە قارسى ارەكەت ەتۋ ماسەلەلەرىن تالقىلادى.

«قازاقستان بارلىق فورمالارى مەن كورىنىستەرىندە تەرروريزمدى ايىپتايدى جانە بۇل قۇبىلىسقا قارسى كۇرەستە بىرلەسكەن الەمدىك قوعامداستىقتىڭ ۇجىمداسقان شەشىمىن قولدايدى»، - دەدى ن.ەرمەكبايەۆ.

ءدىن ىستەرى جانە ازاماتتىق قوعام ءمينيسترى «قازاقستان-2050» ستراتەگياسىندا، مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جانە «بولاشاققا باعدار: رۋحاني جاڭعىرۋ» باعدارلامالىق ماقالاسىندا كورسەتىلگەن مىندەتتەرمەن تانىستىردى.

اقش مەملەكەتتىك دەپارتامەنتى ءوز كەزەگىندە قازاقستاننىڭ ازاماتتىق قوعام ينستيتۋتتارىنىڭ قىزمەتىن رەتتەيتىن قۇقىقتىق بازانى جەتىلدىرۋدەگى ۇمتىلىسىن جوعارى اتاپ ءوتىپ، حالىقارالىق ستاندارتقا سايكەس ادامنىڭ قۇقىقتارى مەن بوستاندىقتارىنىڭ ارى قاراي ساقتالا بەرەتىنىنە سەنىم ءبىلدىردى.

سونىمەن قاتار، جۇمىس ساپارى اياسىندا ن.ەرمەكبايەۆ ۇلتتىق قاۋىپسىزدىك ماسەلەلەرى بويىنشا اقش پرەزيدەنتى كەڭەسشىسىنىڭ ورىنباسارى ليزا كەرتيس پەن اقش ورتالىق ازيا ىستەرى جونىندەگى ۇلتتىق قاۋىپسىزدىك كەڭەسىنىڭ ديرەكتورى ديەۆيد گەمبلمەن كەزدەستى.

كەزدەسۋلەر بارىسىندا قاتىسۋشىلار حالىقارالىق تەرروريزم ماسەلەلەرىن، سونىمەن بىرگە ونىڭ الدىن الۋ ماقساتىندا جەكەلەگەن مەملەكەتتەر مەن حالىقارالىق قاۋىمداستىق جۇرگىزىپ جاتقان جۇمىستاردى تالقىلادى. قازاقستاننىڭ ورتالىق ازياداعى ايماقتىق قاۋىپسىزدىكتى قامتاماسىز ەتۋدەگى ماڭىزدى ءرولىن اتاپ ءوتتى.

نيۋ-يورك قالاسىنداعى جۇمىس ساپارى اياسىندا «ءدىن بەيبىتشىلىك ءۇشىن» اتتى الەدىك كونفەرەنسيانىڭ باس حاتشىسى ۋيليام ۆەندلي مەن ي «Intersections International» ءدىني ۇيىمنىڭ ەكس-ديرەكتورى روبەرت چەيزبەن كەزدەستى.

12 مامىردا مينيستر ن.ەرمەكبايەۆ «ءدىنارالىق جانە ەتنوسارالىق ديالوگ مەملەكەتتىك قۇرىلىستىڭ ماڭىزدى قۇرامى رەتىندە» تاقىرىبىندا وتكەن بريفينگكە قاتىستى. بريفينگ بۇۇ جانىنداعى ق ر تۇراقتى وكىلدىگىنىڭ ۇيىمداستىرۋىمەن ءوتتى. بريفينگ جۇمىسىندا بۇۇ اككرەديتاسيالاعان ۇكىمەتتىك ەمەس ۇيىمداردىڭ، بۇۇ رەسمي قۇرىلىمداردىڭ، بۇۇ مۇشە ەلدەردەن كەلگەن دەلەگاسيا وكىلدەرى، ەسپەرتتەر مەن بۇقارا اقپارات قۇرالدارى وكىلدەرى قاتىستى.

ءىس-شارادا ەتنوسارالىق جانە كونفەسسياارالىق قاتىناستاردىڭ ماسەلەلەرى تالقىلاندى. قاتىسۋشىلار قازاقستاننىڭ بەيبىتشىلىك پەن تۇراقتىلىقتىڭ باستى شارتى بولىپ تابىلاتىن ءتۇرلى مادەنيەتتەر مەن دىندەردىڭ اراسىنداعى اشىق ديالوگتى ورناتۋداعى تالپىنىسىن اتاپ ءوتتى.