ءسۇيىنشى، قازاق ەلى! داۋسى مايداي جاعاتىن، كوڭىلدى باۋراپ الاتىن جەزتاڭداي ءانشى قاراقات ءابىلدينا قىز بالانىڭ اناسى اتاندى. 4 ۇلدان سوڭ دۇنيەگە كوپتەن كۇتكەن قىردىڭ گۇلىندەي قىز كەلدى.

«جۇرەگىم قۋانىشقا تولىپ، اللا بەرە سالعان باقىتتىڭ "ىڭگاسىن" ەستىپ، كىشكەنە ابدىراپ،ءتۇس كورىپ جاتقان جوقپىن با دەسەم، وياۋمىن، قىزىق تا قۋانىشتى،ءوڭ مەن ءتۇس ارالاسىپ كەتكەندەي، باقىتتىڭ "نوكداۋن"-نان ەسەڭگىرەپ قالعانداي، عاجاپ ءبىر حالدەمىن. بارىڭىزبەن بولىسكىم كەلەدى! قازاقتىڭ شەكسىز ۇلى دالاسىنا جار سالىپ،ايقايلاعىم كەلەدى! سىزدەرگە دە وسىنداي شەكسىز باقىت تىلەيمىن! اللاعا سانسىز ماداق ايتامىن! مەيىرىمدى اللا بەرەكەسىمەن بەرگەي! جۇرەگiن يمان نۇرىمەن نۇرلاندىرىپ، ءوزىن دە، مىنەزىن دە كوركىمەن، ۇزاق عۇمىرىمەن، باياندى باقىتىمەن، ءوزىنىڭ سۇيىكتى قۇلدارىنىڭ قاتارىنان ەتىپ،ەكى ءومىردىڭ ابىرويىن ءناسىپ ەتكەي ! بارلىق پەرىشتە-سابيلەرگە دە تىلەگىم وسىلاي...»، - دەپ جازدى قۋانىشى قوينىنا سىيماعان ءقىدىرالى بولمانوۆ.

قازاقتىڭ ۇلگى تۇتار وتباسىنىڭ قۋانىشىنا ورتاقتاسىپ، قىزدارى حالقىنىڭ ارداقتىسى بولىپ ءوسسىن دەگەن تىلەگىمىزدى بىلدىرەمىز.  

شولۋشى: گۇلىم جاقان