استانا قالاسى «AraiMediaGroup» ستۋدياسىندا Disney جانە Pixar ءونىمى، جاڭا، جىلدامدىعى جوعارى، انيماسيالىق «كولىكتەر 3» ءمۋلتفيلمىنىڭ دۋبلياج جۇمىستارى اياقتالدى، - دەپ جازادى massaget.kz.

اۋدارماعا قاتىسقان اكتەر سانى – 100 ادام. مۋلتفيلم قاھارماندارى – جارىس ترەگىنىڭ اڭىزى نايزاعاي ماككۋين جانە ونىڭ دوستارى تاعى دا قازاق تىلىندە سويلەيدى. اتاپ ايتقاندا، گولليۆۋدتىق تۋىندىلاردى دۋبلياجداۋ جۇمىسى 2011 جىلى ءدال وسى «كولىكتەر 2» مۋلتفيلمىنەن باستاۋ الدى. جوبانى جاساۋ مۇمكىندىگى «بولاشاق» كورپوراتيۆتىك قورى مەن Marwin كومپانياسىنىڭ ارقاسىندا ىسكە اسىرىلدى. Disney كارتينالارىنىڭ قاھارماندارى قازاقستاندىق كورەرمەندەردىڭ كوزايىمىنا اينالۋى، سونىمەن قاتار بۇلدىرشىندەردىڭ ولارمەن ءوز تىلىندە سويلەسۋى ءبىزدى قۋانتاتىن جايت. العاشقى دۋبلياجدالعان مۋلتفيلم «كولىكتەر 2» جوباسىنىڭ رەجيسسەرى وسى جولى دا شىعارماشىلىق توپ جۇمىسىن ءوز قولىنا الىپ، «كولىكتەر 3» ءمۋلتفيلمىنىڭ دە دۋبلياج رەجيسسەرى بولدى. نىشانبەك جۇبانايەۆ وسى جولا دا نايزاعاي ماككۋيننىڭ داۋىسىمەن تانىلادى، ال ونىڭ دوسى مەتردىڭ داۋىسىن 2011 جىلى سومداعان، Disney ستۋدياسى مەتردىڭ الەمدەگى ەڭ جاقسى داۋىسى دەپ تانىعان – ازامات قاناپيا.

ءمۋلتفيلمنىڭ باستى قاھارمانى، كورەرمەننىڭ كوزايىمىنا اينالعان، اتى اڭىز ماككۋين جارىس ترەگى جۇلدىزدارىنىڭ قاتارىنان شىعىپ قالىپ، جاڭا زامانعا ساي كولىكتەردىڭ شاڭىندا قالىپ قوياتىن جايى بار. الايدا ماككۋيننىڭ بەرىلەتىن ءتۇرى جوق، ول كرۋز راميرەز اتتى جاس ءارى ەڭ تالانتتى مەحانيككە كومەك سۇراپ بارادى. كرۋز كەرەمەت مامان، ءارى ءوز جۇمىسىن وتە تىڭعىلىقتى ورىندايتىن ادام. ول نايزاعايدىڭ كوشباسشى بولۋىنا ىقپال ەتۋدى كوزدەيدى. كرۋز، قارسىلاستاردىڭ قانداي السىزدىكتەرىن پايدالانىپ، ماككۋيننىڭ جەڭىسكە جەتۋ جولدارىن ىزدەيدى. 15 ماۋسىمنان باستاپ ەلىمىزدىڭ بارلىق.