ەۋروكوميسسيانىڭ بايانداماسىنا سايكەس، ەو-نىڭ 28 ەلىنىڭ ەكونوميكاسىنا جەمقورلىقتان كەلەتىن شىعىن 120 ملرد. ەۋرو بولىپ، ءبىرقاتار پروبلەمالار تۋعىزۋدا. بۇل تۋرالى، كەشە، قازاقستاننىڭ ازاماتتىق اليانسى ۇيىمداستىرعان دوڭگەلەك ۇستەلدە ءسوز سويلەگەن «نۇر وتان» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك حابارلادى.
«اقپاندا جاسالعان ەۋروكوميسسيا بايانداماسىنا سايكەس، ەۋرووداقتىڭ 28 ەلىنىڭ جەمقورلىقتان ەو ەكونوميكاسىنا كەلتىرەتىن شىعىنى 120 ملرد ەۋرو بولىپ، ەۋروپاداعى بيزنەستىڭ دامۋىنا ايتارلىقتاي كەدەرگى تۋعىزۋدا»، - دەپ اتاپ ءوتتى ب.بايبەك. ب.بايبەكتىڭ ايتۋىنا قاراعاندا كەشەگى تاڭداعى ازاماتتىق قوعامنىڭ دا، بيزنەستىڭ دە، پارتيا مەن مەملەكەتتىڭ دە ورتاق ماقساتى – سىبايلاس جەمقورلىققا قارسى ءتيىمدى ارەكەت ەتۋ.
«ءبىزدىڭ پرەزيدەنتىمىزدىڭ ساياسي جىگەرىنىڭ ارقاسىندا وسى جىلداردىڭ بارىندە دە سىبايلاس جەمقورلىققا قارسى ءىس-قيمىل جۇمىسى جۇرگىزىلىپ، وڭ ناتيجەسىن بەرىپ كەلەدى. سونىمەن بىرگە الىنعان تاجىريبە، جەمقورلىق جاعدايى مەن پايدا بولۋى سەبەبىن تۋعىزاتىن جەمقورلىققا قارسى جۇيەلى ارەكەت ەتۋگە كوشۋدىڭ ۋاقىتى كەلگەنىن كورسەتىپ وتىر»، - دەدى سويلەگەن سوزىندە باۋىرجان بايبەك.
سونداي-اق باۋىرجان بايبەك، «نۇر وتان» پارتياسىنىڭ كوشباسشىسى ن.ءا.نازاربايەۆتىڭ XV سەزدە سويلەگەن سوزىندە، بارلىق ازاماتتىق قوعامدى جۇمىلدىرۋ جانە ازاماتتاردىڭ ناقتى پروبلەمالارىن شەشىپ جاتقان پاتريوتتىق ۇەۇ مۇددەسىن كورسەتۋ ماقساتىندا پارتيا مەن ازاماتتىق اليانستىڭ بىرىگە جۇمىس جاساۋىنىڭ ايرىقشا قاجەتتىلىگىن اتاپ وتكەنىنە ەرەكشە توقتالدى.
«ءبىزدىڭ مەملەكەت باسشىسىنىڭ ساياساتىنىڭ ارقاسىندا ازاماتتىق بەلسەندىلىك ارتىپ كەلەدى. ءبىز ءۇشىن ازاماتتارىمىزدىڭ قالاي ءومىر ءسۇرىپ جاتقانى ماڭىزدى. ءبىز ازاماتتارىمىزدىڭ يدەياسى مەن پىكىرلەرىنە، سىنىنا شۇعىل نازار اۋدارۋعا تىرىسامىز»- دەدى ول.
كەشە استانادا «نۇر وتان» پارتياسىنىڭ 2025 جىلعا دەيىنگى سىبايلاس جەمقورلىققا قارسى باعدارلاماسى جوباسىنىڭ قازاقستاننىڭ ازاماتتىق اليانسىمەن بىرىگىپ وتكىزگەن دوڭگەلەك ۇستەلدە تالقىلاۋ تاقىرىبىنا اينالعانىن ايتا كەتكىمىز كەلەدى. قازاقستاننىڭ ازاماتتىق اليانسى 500 –دەن استام ۇكىمەتتىك ەمەس بىرلەستىكتەردىڭ مۇددەسىن بىلدىرەتىن ەلىمىزدەگى ءىرى قوعامدىق ۇيىم. كەشە بۇل ۇيىم ءوزىنىڭ الاڭىندا پارتيانىڭ جەمقورلىققا قارسى باعدارلاماسىنىڭ جوباسىنا قولداۋ ءبىلدىردى.
«نۇر وتان» پارتياسى ا.ج. شىلدەسىندە 2015-2025 جىلدارعا ارنالعان سىبايلاس جەمقورلىققا قارسى ءىس-قيمىل باعدارلاماسى جوباسىن كوپشىلىكتىڭ تالقىلاۋىنا ۇسىندى. اتالعان قۇجاتتىڭ جوباسى 6 مىڭنان استام باستاۋىش پارتيا ۇيىمدارىنىڭ، وڭىرلىك ساياسي كەڭەستەردىڭ وتىرىستارىندا قارالدى جانە تالقىلاندى. باعدارلاما جوباسىندا بەلگىلى تاۋەلسىز ساراپشىلار، ۇەۇ، عىلىمي ورتالاردىڭ اقىل-كەڭەستەرى ەسكەرىلدى. تامىزدا قۇجات «قازاقستان-2050» دەموكراتيالىق كۇشتەردىڭ جالپىۇلتتىق كواليسياسىنىڭ وتىرىسىندا قارالدى. بيزنەس-قاۋىمداستىق پارتيانىڭ سىبايلاس جەمقورلىققا قارسى باعدارلاماسىن ۇلتتىق كاسىپكەرلەر پالاتاسىنىڭ الاڭىندا تالقىلاپ، قۇجات جوباسىن قولدادى. باعدارلاما جوباسىنا وراي پارتيا مۇشەلەرىنەن، ساراپشىلار قاۋىمداستىعىنان جانە ينتەرنەت-پايدالانۋشىلاردان 900-گە جۋىق ۇسىنىستار مەن تولىقتىرۋلار ءتۇسىپ، سونىڭ ارقاسىندا باستاپقىداعى باعدارلاما جوباسى ءماتىنىنىڭ 40 % - وزگەرىسكە ۇشىرادى.
باعدارلاما جوباسى تاياۋ ۋاقىتتا وتكىزىلۋى جوسپارلانعان «نۇر وتان» پارتياسىنىڭ ساياسي كەڭەسىنىڭ وتىرىسىندا قارالاتىن بولادى.
قامشى-اقپارات
