10 قازاندا اتالىپ وتىلەتىن دۇنيەجۇزىلىك ءولىم جازاسىنا قارسى كۇنى قارساڭىندا جولداعان ۆيدەوۇندەۋىندە بۇۇ باس حاتشىسى پان گي مۋن بارلىق مەملەكەتتەردى ءولىم جازاسىنان باس تارتۋعا نەمەسە ءولىم جازاسىنىڭ ورىندالۋىنا موراتوريي ەنگىزۋگە شاقىردى. بۇل تۋرالى قازاقپارات حابارلادى.
پان گي مۋن 7 جىل بۇرىن بۇۇ باس اسسامبلەياسى ءولىم جازاسىنا موراتوريي ەنگىزۋ تاجىريبەسىن كەڭەيتۋ رەزوليۋسياسىن قابىلداعاننان كەيىن ءبىرقاتار مەملەكەت مۇنداي جازا قىلمىس دەڭگەيىنىڭ تومەندەۋىنە اكەلمەيتىنىن مويىنداعانىن اتاپ وتكەن. بۇۇ باس حاتشىسى بيىل 15 جەلتوقساندا 25 جىلدىعى (1989 جىلدان بەرى) تويلاناتىن فاكۋلتاتيۆتى حاتتامانى راتيفيكاسيالاماعان مەملەكەتتەردى بۇل ءىستى تەزدەتۋگە شاقىردى.
قامشى-اقپارات
