قاراعاندى كەڭەس وداعىنان قالعان كەرتارتپا اتاۋلاردان ارىلا باستادى. قالادا ءقازىر كوشە اتتارىن اۋىستىرۋ ناۋقانى باستالىپ، جۇرتتىڭ ۇسىنىستارى داۋىسقا سالىنىپ جاتىر. الايدا، كوممۋنيستىك داۋىردەن بەرى كەلە جاتقان العاشقى ءتورت كوشەنىڭ اتاۋىن وزگەرتۋگە وڭەشىن جىرتىپ قارسى شىعاتىندار بار ەكەن. Bnews.kzء-تىڭ جازۋىنشا، بۇل تۋرالى كتك ارناسى حابارلاعان. 

قاراعاندىداعى شاحتوسترويتەلنايا جانە وكتيابر ريەۆوليۋسياسىنىڭ 40 جىلدىعى اتىنداعى كوشەلەرگە قاراعاندى وڭىرىندە ءتۇرلى باسشىلىق قىزمەتتە بولعان سوپىجان اشليايەۆ پەن باتىر راقىمجان قوشقاربايەۆتىڭ ەسىمدەرىن بەرۋ ماسەلەسى ىڭ-شىڭسىز قولداۋ تاپقان. الايدا، نوۆوسەلوۆ كوشەسىنە جانقوجا باتىردىڭ ەسىمى ۇسىنىلعاندا، الگى كوشە تۇرعىندارىنىڭ توبە شاشتارى تىك تۇرىپتى. ءبىرى ەسكى اتاۋعا تيىسپەڭدەر دەسە، ەكىنشىلەرى جانقوجانىڭ قاراعاندىعا سىڭىرگەن ەڭبەگى جوق دەپ تۋلاعان. ارحيتەكتۋرنايا كوشەسىنە ۇسىنىلعان جاياۋ مۇسا ەسىمى دە وسىنىڭ كەبىن كيىپ، ءبىراز داۋ بولىپتى. ۇزاق ايتىس-تارتىستان سوڭ زالعا جينالعان 70-كە تارتا ادامنىڭ باسىم داۋىسىمەن 4 كوشەگە ۇسىنىلعان جاڭا ەسىمدەر ماقۇلدانىپ، بەكىتىلىپتى.  ءبىراق، قاراسى سيرەك قارسى تاراپ، ەندى اتاۋ وزگەرتۋ مۇلدەم دوعارىلسىن دەگەندى  ايتىپ تاراسىپتى.

قامشى-اقپارات