رەسەي ءسىم بايانداما جاساپ، ناتو-نىڭ اسكەري بازاسى مەن قۇرىلىمدارىنىڭ گرۋزيادا ورنالاستىرىلۋىنا قاتىستى ەسكەرتۋ جاسادى. بۇل تۋرالى يران قازاق راديوسى جازدى.
يرنا-نىڭ حابارلاۋىنشا، رەسەي ءسىم باياندامادا سارسەنبى كۇنى جەنيەۆادا وتكەن كاۆكاز ايماعىنىڭ قاۋىپسىزدىگى جايلى حالىقارالىق كەلىسسوزدەردىڭ تاعى ءبىر كەزەڭى بولاتىنى جايلى ايتىپ، سونداي-اق «ناتو بازاسىنىڭ گرۋزيادا ورنالاستىرىلۋى كاۆكاز ايماعىنىڭ قاۋىپسىزدىگى مەن تۇراقتىلىعى ءۇشىن ءقاۋىپتى» دەپ ەسكەرتكەن. رەسەي ءسىم-نىڭ بايانداماسىنا سايكەس، وڭتۇستىك وسەتيا جانە ابحازيا دەلەگاسيالارى دا جەنيەۆا كەلىسسوزدەرىندە ناتو-نىڭ گرۋزياعا قاتىستى سوڭعى جينالىستاردا قابىلداعان شەشىمدەرىنە توقتالىپ، حالىقارالىق كەلىسىمنىڭ بەكىتىلۋىنىڭ قاجەتتىلىگىن باسا ايتقان. بۇل كەلىسىمشارت بويىنشا تبيليسي ابحازيا مەن وڭتۇستىك وسەتيا ايماقتارىنا قارسى كۇش قولدانباۋعا مىندەتتەلەدى. جەنيەۆا كەلىسسوزدەرىنە رەسەي، امەريكا، گرۋزيا، ابحازيا مەن وڭتۇستىك وسەتيا وكىلدەرى قاتىستى. كەلىسسوزدەر بۇۇ مەن ەۋروپانىڭ قاۋىپسىزدىك جانە ىنتىماقتاستىق ۇيىمىنىڭ باقىلاۋىمەن ءوتتى. رەسەي تاراپى وسى وتىرىستا ناتو-نىڭ گرۋزيادا اسكەري بازا مەن قۇرىلىمداردى ورناتۋ جايلى شەشىمىنە بايلانىستى الاڭداۋشىلىق ءبىلدىردى.
قامشى-اقپارات
